SACUUDIGA OO ASKAR LOOGA DILAY YEMAN.
(SAWIRKA)-S/G.TURKI AL-MALIKI.
(RIYAD)-Sarkaal iyo Sarkaal Xigeen Sacuudi ah ayaa la dilay,waxaane la dhaawacay mid kale ka dib weerar ka dhacay xero ciidan Mileteri ah kuna taala magaaladda Seyuun ee Gobolka Xadar-Muut ee dalka Yeman,waxaa sidaas maanta oo Sabti ah ku dhawaaqay afhayeen Isbahaysiga Taageeradda Sharci ee Yeman. S/Guuto Turki AL-Maaliki ayaa sheegay in weerarka uu dhacay fiidnimadii Jimcaha xilli tababar isboorti uu ka socday xeradda. Xeradda ayaa door muhiim ah ka ciyaareysay taageeradda ciidamadda Isbahaysiga,Tababarka shaqaalaha,la dagaalanka Argagixisadda iyo tahriibinta,iyo caawinta dadaaladda bani’adanimo iyo horumarinta dalka Yeman,sidaas waxaa ku soo warantay Wakaaladda Wararka ee dalka Sacuudiga,Wakaaladda ayaa hadlkeedii raacisay in dembiilaha geystay dhibka la sheegay inuu ka tirsan yahay Wasaaradda G/dhiga dalka Yeman,balse falka uu sameeyey uu yahay mid isaga u gaar ah eysan Wasaaraddu lug ku leheyn.
ISHA-AN.
WAIIRADDA ARRIMAHA DIBADDA EE ISLAAMKA IYO CARABTA OO RIYA..
(SAWIRKA)-HAKAN FIDAN.
ISTANBUL)-Wasiirka Arrimaha Dibadda dalka Turkiga Hakan Fidan ayaa lagu wadaa inuu ka qeybgalo shir ey yeelanayaan Wasiiradda Arrimaha Dibadda ee Ururka Iskaashiga Islaamka(OIC) iyo kuwa Jaamicadda Carabta maalinta Axada ah,shirka ayaa looga dan leeyahay in looga hadlo xiisadda Marinka Gaza. Kulanka Wasiiradda Arrimaha Dibadda ayaa lagu qaban doonaa qeyb ka mid ah shir Madaxeedka aan caadiga ahayn ee wadajirka ah ee Carabta iyo Islaamka ee ka dhacaay caasimadda Boqortooyadda Sacuudiga ee Riyaad,sida maanta oo sabti ah laga soo xigtay ilo diblomaasiyadeed oo Turki ah. Shir Madaxeedkan ayaa dib u eegis ku sameyn doono fulinta go’aamadii la qaatay sannadkii hore ee 2023-ka, waxaane la filayaa in laga soo saaro talaabooyin cusub oo lagu joojinaayo weeraradda Isra’iil ee Marinka Gaza,Daanta Galbeed ee Falastiin iyo Lubnaan.
ISHA-AA.
QADAR OO KU HANJABTAY INEY ISAGA BIXI DOONTO…..
(SAWIRKA)-WAFIYADA MARAYKANKA IYO MASAR.
(DOHA)-Dawaladda Qadar oo ah dhexdhexaadiye muhiim u ah wada hadaladda Gaza ee Isra’iil iyo Xamaas ayaa isaga bixi doonto haddii Isra’iil iyo Xamaas ey si buuxda u go’aansadaan iney wiiqaan dadaaladda Xabad-joojinta,ilo wareedyo ayaa sidaas u sheegay AFP, taaso calaamad u ah dib u dhaca ugu weyn ee isku dayga runta ah tan iyo markii uu bilawday dagaalka Marinka Gaza sannad ka hor. “Qadar waxay ku wargelisay labada dhinac ee Isra’iil iyo Xamaas in ilaa iyo inta ey jirto diidmo ah in laga wada xaajoodo heshiis si daacad ah,eysan Qadar sii wedi karin dhexdhexaadinta”,ilo ayaa sheegaayo in shuruud aan la magacaabin,wada hadaladda socday muddo bila ah ayaa waxaa ku lug lahaay dalalka Maraykanka,Masar iyo Qadar si loo soo afjaro dagaalka Gaza. Reysal Wasaaraha Isra’iil Benjamiin Netanyahu ayaa marar badan diiday Hindiso Xabad-joojin ah oo Xamaas ey aqbashay isagoo diiday talada ey siiyeen Hayadihiisa Amaanka.
ISHA-MEE.
XAMAAS ISKA DIIDAY IN LAGA ERYEY DOOXA.
(SAWIRKA)-KHLID MASHCAL.
(LONDON)-Wararka la xiriiro in Xarakadda Xamaas in loo sheegay iney isaga baxdo caasimadda Dooxa ee dalka Qarad ayaa ah kuwa aad isu soo taraayo dhawrkii saacadood ee ina soo dhaaftay,arrintaan ayaa waxa ka qoray dhawr warbaahin oo Caalami ah iyo kuwa kale oo Maxali kuwaaso sheegay in Xarakada Xamaas laga eryey magaaladda Caasimada ah ee Dooxa ee dalka Qadar. Waxaase wararkaas mid ka gedisan qaba Wargaysla THE NEW ARAB qeybtiisa Af-Ingiriiska waxa eyna leedahay Qadar ma eysan u soo gudbin Xarakadda Xamaas wax dalab ah oo sheegaayo in Xamaas ey isaga baxd magaaladda Dooxa,sidoo kale ma eysan tusin Xamaas in xubnaheeda aan la soo dhaweyneyn,sidaas waxaa sheegtay AL-Araby AL-Jadeed maanta oo Sabti ah. Seddex ka mid ah Hogaamiyeyaasha Xamaas ayaa la hadlay The New Arab qeybta Carabiga iyadoo ey jiraan warar sheegaayo in dawladda Qadar u sheegtay Xarakadda Xamaas ee reer Falastiin inuu dhammaaday waqtigii ey dalkaasi joogi lahaayeen.
ISHA-NA.
FARANSIISKA IYO ISRA’IIL OO EY KA DHEX TAFATAY.
(SAWIRKA)-WASIIRKA ARRIMAHA DIBADDA FARANSIISKA.
(QUDUS)-Booliska Isra’iil ayaa khamiistii hub la galay Kaniisad uu Faransiiska leeyahay oo ku taala Magaaladda Qudus,waxayna Booliska Isra’iil muddo kooban xireen laba nin oo ah ciidanka ilaalinaayey Kaniisadda kana tirsan ciidamadda dalka Faransiiska ee Gender-marines-ka. Wasiirka Arrimaha Dibadda dalka Faransiiska Jean-Noel Barrot oo ka tanaasulay qorshihii uu ku booqan lahaa Kaniisadda ey wax ka dheceen awgeed, ayaa sheegay in loo yeeri doono Safiirka Isra’iil u fadhiya dalka Faransiiska. Wariye ka tirsan Wakaaladda Wararka ee AFP ayaa sheegay in Booliska Isra’iil ey khamiistii galeen Kaniisad uu leeyahay Faransiiska taaso ku taal magaaladda Qudus,iyagoo muddo kooban xiray laba nin kana tirsan ciidamada Gender-ka,taasi waxa ey keentay in Wasiirka Arrimaha Dibadda Faransiiska Jean-Noel Barrot uu isaga tago booqashadii loo qorsheeyey.
ISHA-FRANCE-24.
SUUDAAN OO KU EEDEYSAY IMAARATKA CARABTA INUU…
(SAWIRKA)-BANAANBAX LAGU HOR DHIGAY SAFDDA UAE EE USA.
(TUNIS)-Danjiraha dalka Suudaan u fadhiya dalka Tunisiya Md.Axmed C/waaxid ayaa ku tilmaamay Xasuuq ey Xoogaga Garaarka deg dega ah(RSF) u geysteen mawaadiniinta Suudaan iney ahaayeen kuwa “Argagixiso iyo Naxariis darro ah”. Bayaan uu Danjire Axmed siiyey Wargayska Afka Carabiga lagu daabaco ee ARABI21 ayuu ku eedeeyey Dawladda Imaaraatka Carabta Midoobe(UAE) iney “taageerto kooxda RSF-ta taasoo keentay Barakac iyo Socdaalka Qasabka ah ee malaayiin mawaadiniin Sudaan ah”. Wuxuu carabka ku dhuftay in “meelaha ey maamusho RSF-ta dadka rayidka ah waxa ey manuuc ka yihiin beerashada,bakhaarada waa la bililiqeystaa,waxaane jirta gabaabsi daran oo sahayda ah”. Si kastaba ha ahaatee,meelaha ka baxsan gacantooda,nasiib wanaag kama jiraan arrimahaas.
ISHA-MEMO.
LIIBIYA: BOOLISKA ANSHAXA OO HAWLGELAAYA.
(SAWIRKA)-BOOLISKA DALKA LIIBIYA.
(TRIPOLI)-Wasiirka Arrimaha Gudaha dalka Liibiya ayaa ku dhawqay in dib loo soo celinaayo Booliska Anshaxa ee wadooyinka si loo dhaqan geliyo waxa uu ugu yeeray ‘Dhaqanka Bulshada”loona xakameeyo xuriyadda dhaqdhaqaaqa Haweenka. Arbacadii la soo dhaafay ayuu Cimaad Tarabulsi wuxuu sheegay roondada ey dib u bilaaban doonto bisha soo socoto,waxa eyna bartilmaameedsan doontaa dadka ey timaha ugu jaran yihiin sida Foosha Xun,haweenkana waa iney hubiyaan iney xirtaan dhar asturan oo ey kaga hortegayaan isku dhafka dadka kala ajaaniga ah ee ku kulmaayo goobaha guud. Sidoo kale,Tarabulsi ayaa soo jeediyey in haweenka laga mamnuuco iney u safraan gudaha dalka iyagoo aan haysan amaba uusan la socon nin masuul ka ah,waxa uu intaas raaciyey Tarabulsi “kuwa doonaayo xuriyadda shaqsi ahaaneed waa iney tagaan YURUB”. Dalka Liibiya ayaa waxaa wajahday xasilooni darri qoto dheer tan iyo kacdoonkii NATO ey taageereysay xukunka looga tuuray Madaxweynihii dalka Liibiya Mucamara Alqadaafi sannadkii 2011-kii. Sannadkii 2014-kii, dalka Liibiya ayaa u kala jabay laba kooxood oo kala ah Bari iyo Galbeed,mid walbane maamulkiisa isaga ayaa u madax banaan waane ey iska soo horjeedeen labada maamul ee ka kala dhisnaay Bari iyo Galbeed ee dalka Liibiya.
ISHA-MEE.
SEDDEX MUSHARAX OO U TARTAMAY AQALKA WAKII…
(SAWIRKA)-ILHAN IYO RASHIDA.
(WASHINGTON)-Seddex magac oo Carab ah ayaa ku sii socda iney si rasmi ah ugu Guuleystaan kuraasta Aqalka Wakiiladda Maraykanka Doorashadii shalay dhacday taaso barbar socoto Doorashada Madaxweynaha Maraykanka. Natiijooyinka Hordhaca ah ayaa muujinaayo in labada wakiil ee Xisbiga Dimuqaraadiga Ilhan Cumar iyo Rashiida Taliib ey mar hore ku guuleysteen iney xaqiijiyaan kuraastooda Golaha Congress-ka,halka Ibrahim Xamadah oo ka tirsan Jamhuuriga uu ku dhaw yahay inuu go’aan ka gaaro tartanka Baarlamaanka si uu isaga u helo. Ilhan Cumar ayaa ku Guuleysatay Doorashada degmada 5-aad ee Gobolka Waqooyi ee Minnesota,halka Rashiida Taliib ey tartameyso degmada 12-aad ee Gobolka Mishigan,Hamadah ayaa u tartamaayo degmada 8-aad ee Gobolka Arizona. Waa kuwee seddexdaan Wakiil?
ISHA-AH.
GANACSADE CARBEED OO TAAGEERAY…
(SAWIRKA)-GANACSADE MASSAD BOULOS.
(WASHINGTON)-Wargayska London ka soo baxo ee The New Arab kana hadlo arrimaha Adduunka Carabta ayaa waxa uu is weydiiyey su’aal ah”Waa kuma Maalqabeenka reer Lubnaan ee Donald Trump ka caawiyey inuu dib ugu soo laabto Aqalka Cad?”. Ganacsadaha u dhashay dalka Lubnaan ee lagu magacaabo Massad Buolos oo sodog u ah gabadha uu dhalay Trupm ee Tiffany Trump ayaa ka faa’iideystay xiriirka uu la leeyahay bulshooyinka Carabta Maraykanka si uu taageero ugu muujiyo Donald Trump. Massad Boulos oo ah Ganacsade u dhashay dalka Lubnaan ayaa u dhaqmay sidii mid ka mid ah Ergada muhiimka ah ee Donald Trump u diray bulshada Carabta Maraykanka inta lagu guda jiray wareega Doorashada-2024-ka,isagoo ujeedkiisu ahaa sidii uu u xaqiijin lahaa taageeradooda ololaha Doorashada Madaxtinimo ee Trump ee 2024-ka,iyagoo inta badan ka guuray Xisbiga Dimuqaraadiga sababo la xiriiro dagaalka Marinka Gaza iyo Lubnaan.
ISHA-NA.
CIRAAQ IYO MARAYKANKA OO KA HADLAY…
(SAWIRKA)-RW-AL-SUDANI.
(BAQDAD)-Reysal Wasaaraha Ciraaq,Maxamed Shiica AL-sudani ayaa walaac ka muujiyey Talaadada maanta ah intii lagu guda jiray wada hadalo uu la yeeshay Xoghayaha Arrimaha Dibadda ee Maraykanka Antony Blinken oo ku saabsan khatarta sii socota ee gardaradda Isra’iil ee Marinka Gaza iyo Lubnaan iyo sidoo kale saameynta amaanka Gobolka Bariga Dhexe iyo xasiloonida Caalamka. Walaacyadaan waxaa muujiyey AL-sudani mar uu khadka Telefoonka kula hadlay dhigiisa Maraykanka Antony Blinken,waxaane lagu faahfaahiyey bayaan ka soo baxay Xafiiska Reysal Wasaaraha Ciraaq. Sida lagu sheegay bayaanka,labada masuul waxa ey ka wada hadleen khatarta ka dhalan karta gardaradda joogtada ah ee Isra’iil ee Marinka Gaza iyo Lubnaan iyo saameynta ey ku leedahay Amniga iyo Xasiloonida Gobolka iyo Adduunka oo dhan,Reysal Wasaare AL-Sudani ayaa carabka ku adkeeyey iney lagama maarmaan tahay in Maraykanka iyo dalalka kale ee waa weyn ey xoojiyaan dadaaladda lagu joojinaayo dagaalka lagu hoobtay ee ka socdo Marinka Gaza iyo Lubnaan.
ISHA-MEMO.
XUKUUMADA LUBNAAN OO KU DHEGAN UNIFIL.
(SAWIRKA)-XEEBTA LUBNAAN.
(BEIRUT)-Hawlgaladda ey garwadeynka ka tahay Qaramada Midoobe ayaa inta badan waxaa soo wajaho Cambaareyn kaga imaaneyso dawladaha ey ka hawlgalaan,tusaale ahaan dalka Soomaaliya waxaa ka hawlgalo ciidamo ka socdo Ururka Midawga Afrika(ATMIS) kuwaaso in mudda ah dalka ku sugnaay waxna aan ka qaban dagaalka lagula jiro Argagixisada Alshabaab,dalka Soomaaliya ayey soo galeen sannadkii 2007-dii waxa eyna ceebtooda soo baxday markii CXDS ey u awood sheegteen kooxda Alshabaab kana saareen dhul aad u baaxad weyn kana tirsanaay degaanada ey maamulaan. Dalka Lubnaan waxaa joogo ciidamo ka socdo Qaramada Midoobe loona yaqaano(UNIFIL) kana kooban dawladdo u badan reer Yurub ah,hadaba Lubnaan ayaa su’aalo ka weydiin doonto hawlgalka nabad ilaalinta Qaramada Midoobe ee ku saabsan afduubka loo gaystay Dhamme Cimaad Emhaz oo ka tirsan ciidamadda Badda ee dalka Lubnaan,afduubkaan oo ka dhacay Waqooyiga caasimadda Beyruut ayaa lagu tuhmaa iney gaysatay Isra’iil oo gacan ka heleyso ciidamadda UNIFIL,sidaas waxaa sheegay Wasiirka Arrimaha Gudaha dalka Lubnaan,mawaadinka reer Lubnaan ayaa Jimcihii kooxo hubeysan ey ka qafaasheen degaanka Batroun oo qiyaastii 30-KM Waqooyi kaga beegan Beyruut. Ciidamadda Nabad Ilaalinta ee Qaramada Midoobe kana hawlgala Lubnaan ee UNIFIL ayaa Masuul ka ah la socodka Xeebaha Lubnaan iyadoo la raacaayo Qaraarka Golaha Amaanka ee Qaramada Midoobe ee tirsigiisu yahay 1701.
ISHA-MEMO.
FADEEXAD SOO WAJAHDAY NETANYAHU.
(SAWIRKA)-NETANYAHU IYO BENNY.
(TEL AVIV)-Reysal Wasaaraha Isra’iil ayaa isu arkay inuu yahay nin ey fadeexad soo wajahday ka dib markii dukumintiyo sir ah laga helay Xafiiskiisa. Faahfaahinta dhacdada oo loo yaqaano”Arrimaha Amniga” ayaa faaf reeb lagu sameeyey laakinse amarka af xirka ah ee lagu soo rogay ayaa qeyb ahaan la qaaday. Xubin hore oo ka tirsan Golaha dagaalka Isra’iil Benny Gantz iyo Hogaamiyaha Mucaaradka Yair Lapid ayaa ka dhawaajiyey bayaan ey soo saareen in Netanyahu uu masull ka yahay wax kasta oo ku dhaca shaqaalihiisa iyo xafiiskiisa. Khubaradu waxay arrinkaan la xiriiriyeen hadalo ey soo saareen ilo-wareedy sheegaayo in Netanyahu uu qorsheynaayo inuu qaar ka mid ah La Taliyeyaashiisa inuu Masabito dushana ka saaro masuuliyadda arrintaan dhacday. Reysal Wasaaraha Isra’iil Netanyahu ayaa si deg deg ah uga jawaabay isagoo farta ku fiiqay faafreebka Ciidamadda Mileteriga,waxa uuna ku andacooday iney ka hortagtay in la shaaciyo tafaasiisha sumcadda Xafiiska,waxa uuna carabka ku adkeeyey in shaqaalihiisa eysan faafin wax duubis ah ama xog sir ah.
ISHA-MEMO.
DAGAALKA GAZA OO GALAY MAALINTII 393-AAD.
(SAWIRKA)-SHAXDA MARINKA GAZA.
(GAZA)-Dagaalka ka socdo Marinka Gaza una dhexeeyo Xarakada Xamaas iyo Isra’iil ayaa ah mid soo bilawday taariikhdu markeey ahayd 7/10/2023-kii, waxa uune hadda maraa 393-maalmood oo aan kala go’o lahayn. Dagaalkan ayaa hadda waxa uu ku sii fiday dhul aan horay dagaal uga jirin sida dalka Lubnaan oo isagana hadda uu ka holcaayo dagaal u dhexeeyo Ururka Xizbullah iyo Isra’iil, lama yaqaan waqtiga uu joogsan doono dagaalka hadda ka socdo Gobolka Bariga Dhexe waxaase socod isku dayo fara badan oo la doonaayo in lagu joojiyo colaada. Wadamadda Masar, Qadar iyo Maraykanka waxa ey isku dayeen iney si ku meel gaar ah u joojiyaan dagaalka ka socdo Marinka Gaza balse taasi ma eysan suurtagelin oo waa lagu fashilmay, sababaha keenay in xabad joojinta eysan suurtagelin ayaa ah Isra’iil oo ku adkeysatay ineysan ka bexeyn Marinka Gaza iyo Xarakadda Xamaas oo arrinkaas ka biya diidaday. Todobaadkii la soo dhaafay ayaa hadane mar kale waxaa dib loo yabyabay xabad joojin in la kala dhex dhigo Xarakada Xamaas iyo Isra’iil, arrintaan ayaa waxaa garwadeen ka ahaay dalalka Qadar iyo Maraykanka waxaase ka maqnaay oo aan qeyb ka ahayn dalka Masar sabab aan la sheegin ilaa hadda,si loo socodsiiyo wada hadaladda Xamaas iyo Isra’iil ayey dawladda Qadar isku dayday iney is hor fariisiso wakiiladda Xamaas iyo Isra’iil iyadoo Maraykanka uu ka yahay Goob joog,balse arrintaas ma shaqeynin waayo Isra’iil ayaa mar kale ku adkeysatay isla mawqifkeedii ahaay iney Marinka Gaza ka bexeyn,Xarakada Xamaasne dhinaceeda waxa ey iska diiday iney sii deyneyso Maxaabiista reer Isra’iil, waxaane mar kale sidaas ku burburay xabad joojintii la damacsanaay in lagu joojiyo dagaalka Marinka Gaza. Dagaalkan socday hal sano iyo dhawr maalmood ayaa waxaa ku geeriyooday dad gaaraayo ilaa 43,314-Qofood, waxaa Caruur ah ilaa 17,210, waxaane Dumar ah ilaa 11,742 halka Dhaawaca uu yahay ilaa 102,019-Qofood,sidoo kale waxaa nolol iyo Geeri lagu la’ayahay dad gaaraayo ilaa boqolaal kun.
ISHA-SB-MEDIA/MUQDISHO.
UNIFIL OO ISKA FOGEYSAY AFDUUBKA KA DHACAY…
(SAWIRKA)-UN-KA BEEYRUUT.
(BEIRUT)-Wararka ka imaanaayo caasimadda dalka Lubnaan ayaa sheegaayo in Hawlgalka Nabad Ilaalinta Qaramada Midoobe ee ku sugan dalka Lubnaan(UNIFIL) uu Sabtida maanta ah beeniyey iney wax lug ah ku leeyihiin afduubka nin u dhashay dalka Lubnaan oo lagu tuhunsan yahay iney Isra’iil ka fulisay Waqooyiga caasimadda Lubnaan ee Beyruut. “UNIFIL kuma lug yeelan fududeynta wax afduub ah ama xadgudub kale oo ka dhan ah Madax Banaanidda dalka Lubnaan”,Ku-Xigeenka Af-Hayeenka UNIFIL Kandice Ardiel ayaa sidaa ku sheegtay hadal ey soo saartay. “Wararka been abuurka ah iyo kuwa beenta ahba waa masuuliyad darro,waxa eyna halis gelinayaan Nabad Ilaaliyeyaasha”ayey ka digtay. Ciidamadda Amaanka dalka Lubnaan ayaa Sabtida maanta ah sheegay in masuuliyiinta ey baarayaan in Isra’iil ey ku lug lahayd hawgalka dhinaca badda ah ee ninka looga afduubtay magaaladda Batroun oo qiyaastii 30-Km dhanka Waqooyi kaga beegan caasimadda Beeyruut.
ISHA-AA.
XILDHIBANO MARAYKAN AH OO WARQAD U QORAY..
(SAWIRKA)-ILHAN CUMAR IYO RASHIDA.
(WASHINGTON)-Qaar ka mid ah Sharci Dejiyeyaasha dalka Maraykanka ayaa warqad u diray Madaxweynaha Maraykanka Joe Biden iyagoo su’aal ka keenay ku lug lahaanshaha Ciidamadda Qalabka Sida ee Maraykanka ee dagaalka Gobolka ey ku fidisay Isra’iil iyo guud ahaan Bariga dhexe,sida ey sheegtay Wakaaladda Wararka ee Anadolu. “Ku lug lahaanshaha Mileteriga Maraykanka ee dagaaladaan ma eysan fasixin Koongareeska Maraykanka, sida uu qabo Dastuurka iyo Sharciga Maraykanka”. “Shacabka Maraykanka waxay si cad u sheegeen iney doonayaan iney arkaan Xabad Joojin deg deg ah,joojinta dagaaladaan iyo soo celinta la haystayaasha,ma ahan iney qoto dheereeyaan ku lug lahaanshaha Maraykanka ee dagaal-Goboleed aan dhammaad lahayn”ayey qoreen Sharc-Dejiyeyaasha. Warqadda ey Qoreen Sharci-Dejiyeyaasha waxaa ku saxiixnaa “ Xilldhibaanad Rashiida Taalib(D),Xildhibaanad Cori Bush(D),Xildhibaan Andre Carso(R),Xildhibaanad Summer Lee(D) iyo Xildhibaanad Ilhaan Cumar(D).
ISHA-MEMO.
SIRDOONKA ISRA’IIL MOSSAD OO KU LUG YEESHAY…
(SAWIRKA)-GIORGIA MELONI.
(ROME)-Hayadda Sirdoonka Dibadda ee Isra’iil ee Mossad ayaa lagu soo waramayaa iney ku lug leedahay fadeexad basaasnimo oo lala beegsaday Reysal Wasaaradda dalka Talyaaniga Meloni iyo saraakiil sar sare,sidaas waxaa shalay sheegay Wargayska laga leeyahay Isra’iil ee Yedioth Ahronoth. Wargaysku waxa uu sheegay in Mossad ey heshiisyo la gashay shirkad sameeyso baaritaano gaar ah ee fadhigoodu yahay magaaladda Milan ee dalka Talyaaniga taaso ka kooban xubno sar sare oo hadda ka tirsan Laamha Amaanka iyo kuwii horeba,kuwaaso xaday xogta gaarka ah ee Siyaasiyiin ey ka mid tahay Reysal Wasaaradda dalka Talyaaniga Giorgia Meloni iyo dad kale oo caan ah,waxaane sirtaas loo isticmaalay in lagu baado. Wargaysku waxa uu sheegayin ugu yaraan afar qofood ey xiran yihiin in ka badan tobanaan kalane ey ku socotaa baaris,Wargayska ayaa intaas ku daray in khubarada Amaanka ee Internet-ka iyo kuwa jabsada laga yaabo iney jebiyeen shaqaalaha Wasaaradda Arrimaha Gudaha ee Talyaaniga.
ISHA-MEMO.
ISRA’IIL MA LAGA SAARI DOONAA UN-KA?
(SAWIRKA)-FRANCSECA ALBANESE.
(NEW YORK)-Wararka aan ka heleyno Xarunta Qaramada Midoobe ee New York ee cariga Maraykanka ayaa sheegaayo in Wakiilka Qaramada Midoobe ee dhulka Falastiin ey Arbacdii inaga tagtay ey ku baaqday in la joojiyo xubinimada Isra’iil ee Qaramada Midoobe iyadoo u sababeysay xadgudubyada joogtada ah ee baalmarsan Sharciyadda Caalamiga ah iyo Qabsashada dhulka reer Falastiin. Francesca ALnanese oo ah Ergayga Gaarka ah ee Qaramada Midoobe u qaabilsan Xaaladda Xuquuqul Insaanka ee dhulka Falastiin ayaa ka digtay in isla xisaabtan la’aanta la siiyey Isra’iil ey u ogolaatay iney noqoto mid sameysa “Xadgudubyo is daba joog ah oo baalmarsan Sharciga Caalamiga ah”. Albanese waxa ey ku talisay in Golaha loo dhan yahay uu ka fiirsado joojinta aqoonsiga Isra’iil ee Qaramada Midoobe ilaa ey ka joojineyso ku Xadgudubka Sharciga Caalamiga ah,sidoo kale ey Isra’iil ka joojineyso qabsashada dhulka reer Falastiin taaso ey ku sheegtay iney tahay sharci darro.
ISHA-NA.
MA RUNBAA IN CABDUL-RIDA’A SHAHLAAY KA BAXAY YEMAN?
(SAWIRKA)-NINKA LA BAADI GOOBAAYO EE CABDUL-RIDA’A.
(SANA’A-YEMAN)-Xuutiyiinta dalka Yeman ayaa noqday kuwa caan ka ah Gobolka Bariga Dhexe waqtigaan la joogo waayo waxa ey qeyb ka noqdeen dagaalka ka socdo Marinka Gaza iyo Lubnaan. Xuutiyiinta ayaa gacan saar fiican la leh Ilaaladda Kacaan dalka Iraan waxaane dagaalka Isra’iil kula jiro saraakiil sar sare oo reer Iraan,balse waxaa mar qura la waayey Hogaamiyihii Qarsoonaay ee Xuutiyiinta una dhashay dalka Iraan,warar ayaa daah ka rogay in ninkii ugu khatarta badnaay caalamka uu si deg deg ah uga baxay dalka Yeman. Laamaha Amaanka iyo Sirdoonka ayaa soo bandhigay xog cusub oo muhiim ah kuna saabsan wax ey ku tilmaameen Hogaamiyihii Qarsoonaay ee Maleeshiyadda Xuutiyiinta ee xiriirka la leh dalka Iraan,iyagoo xusay iney u suurtagashay inuu si lama filaan ah uga baxo dalka Yeman in kastoo ninkaasi si caalami ah loo raadinaayo laguna daray Liiska Argagixisada Caalamiga ah. Shabakadda”Khadka Difaaca” oo ku takahsusutay Arrimaha Ciidamadda iyo Amniga ayaa ilo wareedyo ka soo xigatay in Cabdul-Rida’a Shahlaay oo ah Hogaamiye caan ah oo ka Tirsan Ilaaladda Kacaan dalka Iraan isla markaasne ku jira Liiska Argagixisada Caalamiga ah uu ka tegay dalka Yeman ka dib markii uu halkasi ka weday dhaqdhaqaaqo xoogan oo mileteri, sida taageerida iyo jihaynta kooxda Xuutiyiinta. Ila wareedyo Sirdoon ayaa sheegay in Shahlaay oo sidoo kale loo yaqaan “Yuusuf Abu AL-Kharkh”ama “Xaaji Yuusuf”aan lagu arag goobaha ey maamulaan Xuutiyiinta tan iyo bilawgii sannadkan-2024-ka taaso sii xoojineysa mala awaalka ah in Xaaji Yuusuf uu ka tegay dalka Yeman.
ISHA-AY.
WAA MAXAY XIRIIRKA XUUTIYIINTA IYO ALSHABAAB?
(SAWIRKA)-XUUTIYIINTA IYO ALSHABAAB.
(SANA’A)-Bartimihii sannadkaan ayaa waxaa soo shaac baxay warar aan la xaqiijin oo sheegayo in Kooxda Xuutiyiinta Yeman iyo Ururka AL-shabaab ee gacan saarka la leh Urur Weynaha AL-Qaacida in xiriir dhexmaray,lama helin warbixin cad oo ka hadleyso wararkaas soo baxay,hadda ayey soo baxday Warbixintii ugu dambeeysay ee kooxda khubarada ah ee la socoto colaada dalka Yeman oo socotay muddo toban sano ah ayaa hadda isu bedeshay Xiisad Caalamia ah iyadoo ey soo kordheen xawliga rabshadaha ka dib markii uu bilawday dagaalka Marinka Gaza,kaaso si xun u saameeyey nabadda dalka Yeman. Warbixin kooban ahne midii ugu dambeysay ey sameeyeen kooxda Khubarada ah ee la socoto Yeman kuwaso lagu dhisay Qaraarka Golaha Amaanka tirsigiisu yahay 2140 ee sannadkii 2014-kii ayaa lagu xaqiijiyey in Kooxda Xuutiyiinta ey ka faa’iideysteen xaaladda Gobolka ee hadda jirta,iyagoo xoojiyey iskaashiga ey la leeyihiin dawladda Iraan iyo Ururka Xizbullah taaso xadgudub ku ah go’aanadda Golaha Amaanka. Gudiga ayaa tilmaamay in kooxda Xuutiyiinta Yeman iney taageero Ciidan iyo mid dhaqaale ka heleen Iraan iyo Maleeshiyaadka reer Ciraaq si kor loogu qaado awooda dagaal, waxa uuna gudiga ku sifeeyey hawlgalo aan horay loo arag marka loo fiiriyo baaxadooda,nooca hawlgalka iyo baaxadda ey leeyihiin.
ISHA-MO.
XUUTIYIINTA YEMAN OO AFDUUBAY…
(SAWIRKA)-MALEESHIYADKA XUUTIYIINTA.
(SANA’A-YEMAN)-Maleeshiyaadka Xuutiyiinta Yeman ayaa afduubay shaqaale Yemani ah oo ka tirsanaay Safaaradda Maraykanka ee Sanca,isagoo noqoday dhibanihii ugu dambeeyey ee la ogaaday dhibaatada Xuutiyiinta ee ka dhanka ah Gargaarka iyo Shaqaalaha bulshada Rayidka ah ee Yeman ee ku sugan dhulka ey maamulaan Xuutiyiinta. Koox hubeysan oo Xuutiyiin ah oo ey ku jiraan Haween Boolis ah laguna magacaabo Zeynabiyaat ayaa weerar ku qaaday guriga Maxamed Cabdallah Shamaakh oo ahaay sarkaal ka tirsanaay maamulka Safaaradda Maraykanka ee caasimadda Sanca,waxaane la afduubay ka dib markii ey baarayeen sida uu sheegay saaxibkiisa iyo saxafi Yemani ah oo lagu magacaabo Saami Qaalib.
ISHA-AR.