BAARLAMAANKA ISRA’IIL OO WADA OLOLE KA DHAN AH
(SAWIR)-KA.UNRWA EE FALASTIIN.
(ISTANBUL)-Dalka Biljam ayaa maanta oo Sabti ah dhaleeceeyey dadaaladda ey wadaan Golaha Baarlamaanka(Knesset) ee Isra’iil oo ey ku doonayaan iney Hayadda Qaramada Midoobe u qaabilsan Qaxootiga Falastiin(UNRWA) iney ku tilmaamaan koox “Argagixiso” ah lagana xayuubiyo Xasaanadda Diblomaaasiyadeed. “Dalka Biljam waxa uu Cambaareynayaa isku dayga Baarlamaanka Isra’iil uu ku doonaayo inuu UNRWA ugu aqoonsado Urur Argagixiso iyo in Xasaanadda Diblomaasiyadeed laga qaado shaqaalaheeda”,ayey tiri Wasiiradda Arrimaha Dibadda Biljam Hajda Lahbib. Wasiiradda ayaa hoosta ka xariiqday in shaqada Hayaddu tahay mid muhiim u ah shacabka reer Falastiin marka loo eego xaaladda Bani’adanimo ee ka jirta Marinka Gaza. Midawga Yurub ayaa sidoo kale Jimcihii ka dhawaajiyey inuu jiro walaac qota dheer oo ku saabsan dooda ka socoto Baarlamaanka Isra’iil ee ah in UNRWA lagu tilmaamo koox Argagixisa ah. “Midawga Yurub wuxuu aad uga walaacsan yahay wada hadaladda Baarlamaanka Isra’iil ee ku saabasan in UNRWA loo aqoonsado Urur Argagixiso,lagana laabto Xasaanadda iyo Mudnaanta shaqaalaheed”,sidaas waxaa hadal uu soo saaray ku yiri Josep Borrell oo ah Madaxa Siyaasadda Arrimaha Dibadda ee Midawga Yurub,Isra’iil ayaa sii wada weeraradda Naxariis daridda ah ee ka dhanka ah dadka reer Falastiin marka laga soo bilaabo Todobadii Oktoobar-2023-kii. Sida uu sheegay maamulka caafimaadka Marinka Gaza dagaalka ka socdo Marinka Gaza ayaa ila hadda waxaa ku dhintay dad gaarayo ilaa 36-kun qofood kuwaaso badankoodu ah Caruur iyo Dumar, waxaane ku dhaawacmay ilaa 82-kun Qof oo kale,Isra’iil ayaa ilaa hadda waxaa loo haystaa iney Xasuuq ba’an ka gaysatay Marinka Gaza,waxaan amar soo saartay Maxkamadda Caalamiga ah ee Cadaaladda ICJ kaaso ah in si deg deg ah Isra’iil u joojiso hawlgaladda ey ka wado Rafax.
ISHA/AA.
MASAR OO BEENISAY HADALKII ISRA’IIL.
(SAWIR)-KA.RAFAX.
(QAHIRA)-Horaantii maanta oo Khamiis ah waxa aan idinla wadaagnay war sheegaayo in dawladda Masar ogolaatay in la furo Isgoyska Rafax si dadka reer Falastiin loo gaarsiiyo gargaarka ey u baahan yihiin,hadalkaas ayaa waxaa soo sheegtay xukuumadda Netanyahu iyo saxaafadda taageerto Yahuudda,si akhristayaasheyna ula socdaan wararka warbaahintu faafiyaan qaarkood u yihiin ku day ku qadi meyside ayaan rabnaa inaan halkaan idinkula wadaagno hadal ka soo baxay xukuumadda Msaaridda oo sheegaayo in hadalkii saakay ka soo yeeray Isra’iil uu ahaay mid been ah dawladda Masarne eysan wax heshiis ah kuna saabsan isgoyska Rafax la gelin Isra’iil. Xukuumadda Masar ayaa beenisay wararka Isra’iil ee sheegaayo in Isra’iil iyo Masar ey ku heshiiyeen in dib loo furo Marinka Rafax. Ilo wareedyadda Masar ayaa xaqiijiyey warbixino ey siiyeen Channel-ka wararka Qaahira in dalkiisa ey ka go’an tahay in Isra’iil gebi ahaan isaga baxdo Marinka Rafax si ey shuruud ugu noqoto iney shaqadeedi dib u bilawdo.
ISHA/ALSH.
MADAXA HAYADDA UNRWA LAZZARINI OO KA HADLAY…
(SAWIR)-KA.XARUNYA CAAFIMAADKA EE SABRA’A EE UNRWA.
(WASHINGTON)-Madaxa Hayadda Qaramada Midoobe u qaabilsan Qaxootiga Falastiin(UNRWA) ayaa maanta oo Khamiis ah sheegay in weerarada Isra’iil ee ka dhanka ah Hayadda iney tahay in la joojiyo. Phillipe Lazzarini ayaa sheegay in dagaalka Isra’iil ee Marinka Gaza”Uu keenay Ixtiraam la’aan Qaawan oo ku wajahan hawlgalka Qaramada Midoobeoo ey ku jiraan weerarada shaqaalaha,Xarumaha iyo Hawlaha UNRWA. “Weeraradaan waa iney joojiyaan,duniduna waa iney ka hawlgashaa sidii ey ula xisaabtami lahayd dembiilayaasha”ayuu ku qoray qoraal uu kun qoray Wargayska New York Times. Waxa uu sheegay in shaqaalaha UNRWA si joogta ah loogu dhibaateeyo laguna bahdilo isbaarooyinka Isra’iil ee Daanta Galbeed oo ey ku jirto Bariga Qudus. Lazzarini wuxuu xusay in ugu yaraan 192-shaqaale UNRWA ah lagu dilay Marinka Gaza in ka badan 170-dhuimse oo UNRWA leedahayne la burburiyey. “UNRWA kaliya ma ahan Hayadaha Qarmadda Midoobe ee wajahayso khatarta,bishii Abriil rasaas ayaa haleeshay Barnaamijka Cuntada Adduunka(WFP) iyo baabuurta Hayadda UNICEF,sida muuqata si bareer ah ayaa loo risaaseyey,laakin inkasta oo ey la shaqeyso maamulka Isra’iil”ayuu yiri Lazzarini.
ISHA/AA.
WASIIRKA MAALIYADDA ISRA’IIL OO U HANJABAY DAWLADDA FALASTIIN.
(SAWIR)-KA. CIIDAMADDA ISRA’IIL OO XABSIGA U TAXAABAYO MAWAADIN FALASTIINI AH.
(QUDS)-Wasiirka Maaliyadda ee Isra’iil ayaa ku hanjabay iney burburin doonaan magaalooyinka,xaafadaha iyo Xeryaha Falastiiniyiinta ee waqooyiga la haysto ee Daanta Galbeed Khamiista maanta ah,si la mid ah wixii ciidamadu ka sameeyeen Marinka Gaza. “Fariintayadda waxa ey ku socoto dadka degan Tool-Karam,Xaafadda Shuweykha iyo Xeradda Qaxootiga ee Nuur Alshamsi iyo magaaladda Qalqiiliya,waxaan idinka dhigi doonaa magaalooyin burburay sida ka dhacday Marinka Gaza haddii Argagixisinimo”lagu dhaqmo degsiimooyinka, Bezalel Smotrich oo ah Hogaamiyaha Sionism Diimaha Midigta Fog ayaa sidaas ku qoray Bartiisa(x). Smotrich ayaa ku hanjabay inuu “Sii wadi doono inuu xukumo Yahuuda iyo Samaariya” Erayga Kitaabiga ah ee Daanta Galbeed ey Isra’iil haysato. Isagoo la hadlaayey mawaadiniinta reer Isra’iil ayuu Smotrich ku andacooday in “Haddii loo ogolaado in la dhiso dawlad Falastiiniyiin ah,degsiimooyinka Daanta Galbeed waxaa lagu qaadi karaa weerar la mid ah”midkii kooxaha Falastiiniyiinta ku qaadeen saldhigyadda Mileteri ee Isra’iil iyo degsiimooyinka ku dhaw Marinka Gaza todobadii Oktoobar-2023-kii. Wasiirka Xagjirka ah ayaa ku nuux-nuuxsaday diidmadiisa uu ku diidan yahay in la dhiso dawlad Falastiin leedahay,isagoo sheegay ineysan dhici doonin. Xisbiga Diimeed ee Sionism ayaa ah Xisbi si aad ah u taageero degaameynta dhulka Falastiin si Isra’iil ey yeelao dhulka reer Falastiin intiisa hadda u hartay Falastiin.
ISHA/AA.
BAARLAMAANKA ISRA’IIL OO QARKA U SAARAN IN LA KALA DIRO.
(SAWIRKA)-BENNY GANTZ.
(QUDS)-Xisbiga dhexe ee xubnta ka ah Golaha Wasiiradda dagaalka Isra’iil Benny Gantz ayaa soo gudbiyey sharci Khamiista maanta ah si uu u kala diro Baarlamaanka Isra’iil(Knesset),ujeedadiisu tahay in la qabto Doorashooyin waqti hore. Madaxa Xisbiga Midawga Qaranka Pnina Tamano-Shata(Asalkeeda Itoobiya) ayaa soo bandhigtay sharci lagu kala diraayo 25-ka Xildhibaan ee Baarlamaanka Isra’iil,Xisbiga wuxuu ku sheegay War Saxaafadeed. “Tamano-shata waxay ku soo beegantay iyadoo la sii wado dhaqdhaqaaqa uu hogaaminaayo Hogaamiyaha Xisbiga,Wasiir Benny Gantz,si loo gaaro doorashooyin is afgarad ballaaran,bisha Oktoobar ee soo socoto,ka dib sannad Xasuuqii”ayey tiri iyada oo la tixraacaayo Oktoobar-7 ee xuduudaha. Weerar ey Isra’iil ku qaaday sannadkii hore kooxda Falastiin ee Xamaas. Tamano-Shata ayaa tiri” 7-da Oktoobar waa musiibo u baahan in aan dib ugu laabano oo aan helno kalsoonidda shacabka si loo dhiso dawlad Midnimo ballaaran oo xasilloon oo inagu hogaamiso inaan si nabad ah oo aan uga hortagno caqabadaha baaxadda leh ee dhinacyadda Amniga,dhaqaalaha iyo wixii ka sareeya,dhammaan bulshada Isra’iil”ayuu Xisbiga ku daray hadalkiisa.
ISHA/AA.
DALKA ALJEERIYA OO QARAAR QABYO QORAAL AH U GUDBIN…
(SAWIR)-KA.SAFIIRKA AL-JEERIYA EE QARAMADDA MIDOOBE.
(NEW YORK)-Ilo diblomaasiyadeed oo ku sugan New York ayaa u sheegay Wargayska AL-Carabi AL-Jadeed in dalka AL-Jeeriya uu soo bandhigi doono qaraar qabya ah kuna saabsan magaaladda RAFAX si loogu codeeyo Golaha Amaanka ee Qaramadda Midoobe dhammaadka Todobaadkan ama bilawga Todobaadka soo socdo ugu dambayn. Wakiilka dalka AL-Jeeriya ee Qaramadda Midoobe Camaar Binjameh ayaa hadallo kooban oo uu saxafiyiin kula hadlayey magaaladda New York fiidnimada Caawa oo Arbaca ah ku sheegay in dalkiisa uu ujeedkiisu yahay”In Qoraalka Qaraarka Qabyada ah uu noqdo mid gaaban oo dhammaystiran oo uu ku codsanaayo in la joojiyo dilka ka socdo magaaladda RAFAX”. Marka loo eego Qaraarkan Qabya Qoraalka ah uu Wargayska AL-Carabi AL-Jadeed uu helay nuqul ka mid ah,Qaraarka ayaa ku baaqaayo “Xabad joojin deg deg ah oo ey ixtiraamayaan dhinacyada oo dhan”iyo waxay mar kale dalbanaysaa in dhamman dhinacyadda iska soo horjeedo ey u hogaamsamaan waajibaadkooda . Dadka rayidka ah ee Falastiin kuna nool Marinka Gaza adeegyadda aasaasiga ah iyo gargaarka bani’adanimo ee lagama maarmaana u ah sii jiritaankooda”.
ISHA/AL-CARABI AL-JADEED.
SIRDOONKA ISRA’IIL IYO MAXKAMADDA ICC-DA MAXAA KALA HAYSTA?
(SAWIR)-KA.NETANYAHU IYO GALLANT.
(LONDON)-Tan iyo markii uu dhacay weerarkii ey ciidamadda Isra’iil ku qaadeen magaaladda Rafax waxaa isa soo teraayey cambaareynta loo jeedinaayo Isra’iil iyo eedeymaha loo soo jeedinaayo hogaanka dagaalka Isra’iil ee Marinka Gaza. Maxkamadda Dembiyadda Caalamiga ah ee ICC ayaa waaran lagu soo qabanaayo waxa ey la damacsan tahay Reysal Wasaaraha Isra’iil Netanyahu,Wasiirka Gaashaandhiga Gallant iyo taliyaha ciidamadda Isra’iil,arrintaan ayaa maamulka Isra’iil ku abuurtay welwel aad u weyn waxa eyna keentay in Isra’iil bilawdo sidii ey uga hortegi leheed ICC-da Waarankeeda inta uusan si rasmi ah u soo bixin. Dadaaladda ey wadaan Hayaddaha Sirdoonka Isra’iil si ey u wiiqaan saameyna ugu yeeshaan Maxkamadda Dembiyadda Caalamiga ah(ICC) waxay noqon kartaa”Dembiyo ka dhan ah maamulka Cadaaladda”waane inuu baaro dacwad oogaha guud,khubaradda sharciga ayaa sidaas leh. Iyagoo ka jawbaayo daah-furka ku saabsan ilaalinta Isra’iil iyo hawlgaladda basaasnimadda ee ka dhanka ah ICC-da,khubaro badan oo hormuud ka ah sharciga caalamiga ah ayaa sheegay in hab dhaqanka adeegyadda Sirdoonka Isra’iil uu noqon karo Dembi.
ISHA/THE GUARDIAN.
QAREEN KA HADLAY WEERARKII RAFAX SHEEGAYNE…
(SAWIR)-KA.GUBASHADII RAFAX.
(RAFAH)-Waxay ku qaadatay ku dhawaad nus saac in Ambalaasyadii ugu horeeyey iyo dab-demiska ey gaaraan Teendhooyinka gubanaayo ee Xeradda Nabadda Kuweyt ee magaaladda Rafax habeenimadii Aaxada. Isku soo wada duuboo,burburka keenay iney gaabiyaan gaadiidka gurmadka ayaa sii huriyey dabka oo ku sii fidiyey guryo ku meel gaar ah oo ey degan yihiin dad barakacayaal ah. Zuhayr oo ah Qareen 36-jir ah,waxa uu fadhiyey wada u dhaw Teendhadiisa isaga oo la socday warka saaxibadiis,iyadoo iftiinkii u dambeeyey ee madaw uu cirka ka baxay,markii qaraxa uu gilgilay aaga abaarihii 8:45-habeenimo. Waxa uu u soo orday dhankii dhawaqa isaga oo u naxsan xaaskiisa,caruurtiisa iyo saaxibadiis. Aragti jahanamo ayaa ka soo horjeeda,si aad u fool xun ayuu naxdin darteed bilaabay. “Waxaan meel walba ku arkay Meyd caruur gubanaysa,waxaan arkay madaxyo aan meyd lahayn,kuwa dhaawacmayne waa ey yaaceen iyagoo xanuun haayo,qaar waa ey nool yihiin laakin waxa ey ku dhex go’odoonsan yihiin Teendhada Gubanaysa”.
ISHA/THE GUARDIAN.
HAYADDA SAMAFALKA EE JIKOOYINKA ADDAUUNKA OO..
(SAWIR)-KA.GAARI EY ISRA’IIL GENTAAL KU DHUFATAY.
(RAFAH)-Dhulaka Falastiin,Gayadda Jikadda Dhexe ee Adduunka ee Cuntada Siisa Marinkka Gaza eyna aafeeyeen dagaaladda ayaa sheegtay iney joojisay hawlihii ey ka wadeen magaaladda koonfureed ee dhulka Falastiin ee Rafah sbabao la xiriiro”Weeraradda Joogatada ah”ee aagaas. Hayadda samafalka ee fadhigeedu yahay dalka Maraykanka waxaa asaasay cunadda caanka ah ee Isbaanashka-Maraykanka ah ee Jose Andres si ey cunto u siiso bulshooyinka ey wajahayaan dhibaatooyinka Bani’adanimo iyo Masiibooyinka. “Marka laga eego hawlgaladda Isra’iil ee Farax,qoysas aan tiro lahayn ayaa lagu qasbay iney mar kale cararaan”,ayey Hayaddu ku sheegtay barteeda X ee horay loogu yaqiin Twitter goor dambe oo Talaadadii shalay ah. “Weeraradda joogtada ah ayaa nagu qasbay inaan joojino shaqada jikadda weyn ee Rafax oo aan u rarnay qaar badan oo ka mid ah jkooyinkii bulshayada oo dhan waqooyiga fog”. Hayadda samafalka ayaa dhawaan dib u bilawday shaqadeeda Marinka Gaza ka dib markii todoba ka mid ah shaqaalaheeda lagu dilay seddex weerar oo ey fuliyeen diyaaradaha Isra’iil ee aan duuliyaha wedin.
ISHA/AN.
ISRA’IIL OO WEERARTAY DALKA SUURIYA.
(SAWIR)-KA.DHISMO KU BURBURAY WEERARKA ISRA’IIL.
(BEIRUT)-Wasaaradda difaac dalka Suuriya ayaa sheegtay in weerar cirka ah oo ey Isra’iil maanta oo Arbaca ah ku dishay Gabar eyna ku dhaawacday 10-Qof oo kale oo rayid ah xeebta dalkaas,iyadoo kormeere dagaal uu sheegay in weerar kale lagu dilay seddex dgaaalayahan oo taageersan Ururka Xizbullah. “Cadawga Isra’iil ayaa weerar cirka ah ka soo qaaday dhanka dalka Lubnaan,iyagoo beegsaday bar dhexe iyo dhismo dad degan yihiin kuna yaalo magaaladda Baniyas ee gobolka xeebta halkaas ey ku dileen gabar iyo dhaawac10-Qof oo rayid ah”,ayaa lagu yiri bayaan ka soo baxay Wasaaradda difaac dalka Suuriya. Kormeerayaasha dagaalka dalka Suuriya ayaa sheegay in gabar la dilay ka dib markii Gentaal ey Isra’iil soo tuurtay iyo Gentaal difaac cirka Surriya ey isla qarxeen dabadeedna ee kuwada dheceen Xeebta. “Laba qarax ayaa dib uga dhacay …magaaladda xeebta ku taalo ee Baniyas,waxaa ku dhintay gabar”,ayuu yiri kormeeraha fadhigiisu yahay Ingiriiska kaaso tirada dadka rayidka ah ee dhaawaca ah ku sheegay in ka badan labaatan Qof. Kormeeraha ayaa sheegay in “Qaraxyadu ka dhasheen Gentaal Isra’iil leedahay iyo Gentaal difaac cirka ee Suuriya oo soo dhacay”. Kormeerka ayaa sidoo kale sheegay in duqeynta ey Isra’iil ka gaysatay bartamaha Suuriya ey ku dileen seddex dagaalyahan oo Suuriyiin ah oo la shaqeynaayey Ururka Xizbullahi ee dalka Lubnaan.
ISHA/AN.
ISRA’IIL OO GUDBOSAY CODSIGEEDA WADA XAAJOODKA.
(SAWIR)-KA.MADAXA SIRDOONKA ISRA’IIL(MOSSAD)-DAVID BARNEA.
(TEL AVIV)-Mareegta Cibriga ah ee WALLA ayaa sheegtay Talaadada maanta ah in maamuka Isra’iil uu u gudbiyey dhexdhexaadiyeyaasha(Masar,Qadar iyo Maraykanka) shalay qoraal asmi ah,qoraal iyo soo jeedin rasmi ah oo ku saasban heshiis lala galo Xamaas,shabakadda ayaa intaas ku dartay in soo jeedintu ey si weyn u eegayso mabaadi’ida guud ee Madaxa Sirdoonka Isra’iil(MOSSAD) David Barnea uu u gudbiyey Reysul Wasaaraha Qadar isla markaasne ah Wasiirka Arrimaha dibadda dalak Qadar Maxamed Bin C/raxmaan Althani isagoo joogo Paris Jimcihii la soo dhaafay. Soo jeedinta Isra’iil ee la cusbooneysiiyey waxaa ka mid ah rabitaanka ah in la muujiyo dabacsanaan ku saabsan tirada Maxaabiista nool ee lagu sii deyn doono wejiga koowaad ee Bani’adanimaddaa ee heshiiska iyo sidoo kale in la isu diyaariyo in laga hadlo codsiga Xamaas ee ah”Xabad Joojin Joogta ah”ee Marainka Gaza. Waxaa la filaa sida laga soo xigtay Mareegta WALLA in Reysul Wasaaraha Qadar uu maanta ku wareejiyo soo jeedinta Isra’iil wakiiladda Xamaas ee ku sugan Dooxa. Telefishanka Isra’iil ee “KAN” ayaa ku waramay in Isra’iil hinisaheeda u gudbisay dhexdhexaadiyeyaasha maanta,iyadoo saraakiil ajnabi ah oo aan la magacaabin ey rumaysan yihiin in balaarinta hawlgalka ciidamadda Isra’iil ee Raax ey sii adkeyn doonto wada xaajoodka.
ISHA/NA.
HAYADDA UNRWA OO KA HADASHAY XAALADDA RAFAX.
(SAWIR)-KA. DADKII EHELKOODA KU DHINTEEN WEERARKII RAFA EE AXADII DHACAY.
(HAMILTON-CANADA)-Qaramadda Midoobe ayaa Talaadada maanta ah carabka ku adkeysay sawiradda murugadda leh ee ka dhashay duqeyntii diyaaradaha Isra’iil ey ka gaysteen Xero ku taal magaaladda Rafax ee Koonfurta Marina Gaza Axadi la soo dhaafay,iyadoo sheegtay in ugu yaraan 200-Qof ey ku dhinteen weerarkaas. “Sida laga soo xigtay qaar ka mid ah ilo caafimaad oo caalami ah lana hadlay kooxdeyna ayaa sheegay in ugu yaraan 200-Qof lagu dilay weerarkaas oo ey ku jiraan Caruur iyo Dumar”,Julliete Touma oo ah Agaasimaha Isgaarsiinta ee Hayadda Gargaarka iyo Shaqadda ee Qaramada Midoobe(UNRWA) ayaa u sheegtay warfidiyeenadda mar ey qabatay la shir. Juliette ayaa ku nuux-nuuxsatay in natiijadda weerarka ey tahay mid”Weyn”waxa eyna aad u kordhisay cabsida guud ee goobta ey wax ka dheceen ama lagu hoobtay. Juliette Touma ayaa xustay in ka badan Hal Milyan oo qof ey ka tageeen magaaladda Rafax tan iyo markii ciidamadda Isra’iil ey hawlgal ka bilaabeen Rafax lixdii bishaan,waxa eyna Touma sheegtay in weli uu socdo barakacii Rafax.
ISHA/AA.
CAALAMKA OO CAMBAAREEYEY WEERARKII RAFAX.
(SAWIR)-KA. MUUQAALADII LAGA SOO QAADAY RAFAX.
(RAFAH)-Mileteriga Isra’iil ayaa maanta oo Talaada ah sheegay in rasaasta ey ku tuureen meel u dhaw Xero Teendha ah oo ku taal Gaza eysan fileyn iney si toos ah u sababaan dabkii weynaay ey ku dhinteen ugu yaraan 45-Qof oo Falastiiniyiin ah maalintii Axada iyo Qarax labaad oo laga yaabo inuu ahaa kayd hub eyna u badan tahay inuu sababay ololka. Weerarkaan cirka ayaa ahaa kii ugu khasaaraha badnaa ee lagu qaado Rafax tan iyo markii Isra’iil ey bilawday duulaanka ey ku hayso magaaladda Rafax horaantii bishaan. Maamulka Biden ayaa hadda qiimeynayo in shaqo joojintu ey xadgudub ku tahay “Khadka Cas” ee Madaxweyne Biden ee ku aadan hawlgalka Isra’iil ee Rafax. Dhibanayaasha ayaa waxaa ku jiray haween Caruur iyo dad da’a ah,sida ey sheegeen saraakiisha caafimaadka degaankaee Gaza. Isra’iil ayaa sheegtay in duqeynta lala beegsaday laguna laba sarkaal oo sare kana tirsan Xamaas,Reysala Wasaare Benjamiin Netanyahu ayaa ku tilmaamaydabkan halita ah shil naxdin leh. Dhacdadaan ayaa dhalisay canbaareyn balaaran oo caalami ah. Xoghayaha Guud ee Qaraadda Midoobe Antonio Guterres ayaa ku dhawaaqay shir deg deg ah oo uu yeesho Golaha Amaanka ee QM waxa uuna Guterres yiri”Waxaan Cambaareynayaa falkii Isra’iil ee llagu dilay dad badan oo rayid ah oo aan waxba galabsan kuwaaso raadinaaya kaliyah Gabaad ey ka galaan iska horimaadkan dhimashadda badan”. Aqalka Cad ee dalka Maraykanka ayaa dhacdadaan ku tilmaamay mid ba’an,wuxuuna ku celceliyey baaqiisa ah in Isra’iil qaado tallaabooyin lagu badbaadinaayo dadka Rayidka ah.
ISHA/AXIOS.
MARAYKANKA OO KA WALAACSAN ARRINTA ICC-DA.
(SAWIR)-KA. JOHN KIRBY.
(WASHINGTON)-Maamulka Biden ayaa Talaadada maanta ah sheegay iney ka soo horjeedaan cunaqabateynta Jamhuuriyiintu ku riixayaan Koongareeska ee ka dhank ah Maxkamadda Dembiyadda Caalamiga ah si ey uga jawaabaan go’aanka dacwad oogaha ee ah inuu dalbaddo waaran qabasho oo ka dhan ah Hogaamiyeyaasha Isra’iil ee dagaalka Gaza. Aqalka Cad iyo Wasaaradda Arrimaha Dibadda Maraykanka waxay wadeen la tashiyo ey la yeelanayeen Jamhuuriyiinta iyo Dimuqaraadiyiinta Aqalka iyo Senitka oo ku saabsan talaabadda suuragalka ah ee ka dhanka ah Maxkamadda Dembiyadda Caalamiga ah(ICC). Afhayeenka Aqalka Cad ee Maraykanka John Kirby ayaa hadal kooban oo uu siiyey saxafiyiinta ku sheegay in cunaqabateyntu “eysan ahayn jawaabta saxda ah”ee lagula tacaalaayo waaranka soo qabashaadda Hogaamiyeyaash Isra’iil ee ka soo socda Maxkamadda Dembiyadda Caalamiga ah(ICC),wuxuune intaas ku daray in maamulkiisu ka soo horjeedo arrintaas. Xoghayaha Warfaafinta Aqalka Cad Karine Jean-Pierre oo hadashay Kirby ka dib ayaa ku celisay fariintaas waxayna sheegtay in sharciga ka dhanka ah ICC-da “Ma ahan wax uu maamulku taageeraayo”. “Cunaqabateynta ICC-da ma ahan qalab wax ku ool ah ama ku haboon oo wax looga qabanaayo walaacyadda Marayanka. Waxaan kala shaqeyn doonaa Koongareeska doorashooyin kale oo aan wax kaga qabano xadgudubka ICC-da”ayey tiri.
ISHA/AXIOS.
BIDEN TALAABO MAKA QAADI DOONAA ISRA’IIL.
(SAWIR)-KA. BURBURKII XERADDA QAXOOTIGA RAFAX.
(WASHINGTON)-Maamulka Madaxweyne Biden ayaa weli qiimeynaya in duqeyntii Isra’iil ey ku dishay ugu yaraan 45-Qof oo Falastiiniyiin ah oo ku barakacay xero ku taalo Rafax Axadii shalay ey xadgudub ku tahay “Khadka Cas” ee Madaxweyne Biden,laba sarkaal ah oo Maraykan ah ayaa u sheegay AXIOS. Biden ayaa horaantii Bishan ku hanjabay inuu joojin doono bixinta qaar ka mid ah hubka weerarka ah ee uu Maraykanku sameeyey haddii Isra’iil ey gasho xarumaha dadweynaha ee Rafax,magaaladda ku taalo Koonfurta Gaza ayaa loo arkaa iney tahay xaruntii ugu dambaysay Xamaas. Saraakiisha Maraykanka ayaa markii dambe sharaxay in dhibaato bani’adanimo oo ka dhalatay barakicii ballaaran ee dadka rayidka ah ee Rafax ey sidoo kale noqon karto xadgudub lagu sameeyey Khadka Cas ee Biden. Weerarkaan dhinaca cirka ah ayaa ah dhacdadii ugu dhimashadda badneyd ee ka dhacda Rafax tan iyo markii Isra’iil ey bilawday duulaanka ey ku hayso magaaladda Rafax horaantii bishaan. Saraakiisha caafimaadka Gaza oo ey maamusho Xamaas ayaa sheegay in haween iyo Caruur ey ku jiraan dadka la dilay. Weerarkaan ayaa dhacay maalin uun ka dib markii Maxkamadda Caalamiga ah ee Cadaaladda ICJ ey amartay Isra’iil iney si deg deg ah u joojiso hawlgaladda Mileteri ee magaaladda Rafax.
ISHA/AXIOS.
XUUTIYIINTA YEMAN OO SHEEGTAY INEY WEERAREEN MARAAKIIB…
(SAWIR)-KA.ASKARTA XUUTIYIINTA YEMAN.
(ISTANBUL)-Kooxda Xuutiyiinta Yeman ayaa maanta oo Isniin ah sheegtay iney weerar la beegsadeen laba ka mid ah Maraakiibta Maraykanka ee wax burburiya iyo seddex Markab oo maraayey Badda Cas iyo Badweynta Hindiya. War qoraal ah uu soo saaray afhayeenka Xuutiyiinta Yaxye Sareex ayaa sheegay in dagaalyahanadooda ey ku weerareen diyaaradaha aan duuliyaha wedin iyo laba Gentaal oo ah kuwa wax burburiyo waxaane lala beegsaday Markabka Minerva Lisa oo maraayey Badda Cas. Afhayeenka ayaa sheegay in Markabka Larego Desert ee Maraykanka iyo Markabka Isra’iil MSC mechela lagu beegsaday Badweynta Hindiya,ma jiro wax hadal ah oo ka soo baxay dawladda Maraykanka kuna saabsan sheegashadda Xuutiyiinta. Xuutiyiinta ayaa beegsado Maraakiibta laga leeyahay Isra’iil,kuna hawlgala Calankooda ama ku si jeeda dekedaha Isra’iil ee mara Badda Cas iyo Gacanka Cadmeed. Iyadoo Maraykanka iyo Ingiriiska ey bilaabeen duqeymo aargoosi ah oo dhinaca cirka ah kana dhan ah kooxda Xuutiyiinta Yeman,ayey kooxdu ku dhawaaqday iney beegsan doonto Maraakiibta Ingiriiska iyo Maraykanka.
ISHA/AA.
XOGHAYAHA QM OO CAMBAAREEYEY XASUUQII RAFAX.
(SAWIR)-KA.XASUUQII KA DHACAY RAFAX.
(CANADA)-Xogahyaha Guud ee Qaramadda Midoobe Antonio Guterres ayaa maanta oo Isniin ah cambaareeyey duqeynta khasaaraha badan dhalisay ee Isra’iil ey ku qaaday Xero ey ku sugnaayeen dad barakacayaal ah oo ku taalo magaaladda Rafax ee Koonfurta Marinka Gaza. “Waxaan Canbaareynayaa falalka Isra’iil ee lagu dilay dad fara badan oo Rayid ah kuwaaso aan waxba galabsan,dadkaan la dilay ayaa raadinaayey gabaad kaliyah ey kaga gamabadaan colaada Gaza”,sidaas waxa bartiisa X ku qoray Guterres. Madaxa Qaramadda Midoobe ayaa carabka ku adkeeyey in eysan jirin ‘Meel nabdoon kuna taal Marinka Gaza” wuxuuna Guterres ku baaqay in la joojiyo Argagaxaan. Ugu yaraan 45-Qof una badan Caruur iyo Dumar ayaa ku dhintay ku dhawaad 250-Qof kalane waa ey ku dhaawacmeen weerar ey Isra’iil ku qaaday Xero ey ku sugnaayeen dad barakacayaal ah oo ku taalo Rafax maalintii shalay oo Axad ahayd. Weeraraka ayaa ka dhacay meel u dhaw saldhigga saadka ee Hayadda Qaramada Midoobe u qaabilsan Qaxootiga Falastiin ee UNRWA Tal AL-Suldaan sida uu sheegay xafiiska warbaahinta dawladda uu fadhigeedu yahay Marinka Gaza. Ololaha Mileteri ee Isra’iil waxa uu u rogay in badan oo ka mid ah xeraddii ey ku noolaayeen 2.3-Milyan Qofood meel baaba’aday,taaso ka dhigan in dad badan oo rayid ah iney yihiin Hooy la’aan eyna soo wajahday Macluul. Magaaladda Rafax ayaa ah goob gabaad u ah hal milyan oo qaxooti reer Falastiin ah kuwaaso isaga soo cararay Marinka Gaza,Isra’iil ayaa ku andacootay in goobta ey weerartay ey ku dishay hogaamiyeyaal Xamaas ka tirsan.
ISHA/AA.
ISRA’IIL OO LABA SHAQAALE CAAFIMAAD KU DISHAY RAFAX.
(SAWIR)-KA.ISBITAALKA KUWEYT EE RAFAX.
(ANKARA)-Wasaaradda Caafimaadka ee Marinka Gaza ayaa sheegtay maanta oo Isniin ah in laba shaqaale caafimaad oo shaqada ku jiray kuna sugnaay Isbitaalka Kuweyt ee magaaladda Rafax ee Koonfurta Marinka Gaza ey dileen ciidamadda Isra’iil. War Qoraal ah ey soo saartay Wasaaradda Caafimaadka ee Marinka Gaza ayaa ku tilmaamay weerarka ciidamadda Isra’iil ku qaadeen shaqaalaha caafimaadka ee shaqada ku jiray inuu ahaa “Dembi aad u fool xun” oo xaqiijinaayo in Tel Aviv ey dooneyso iney burburiso nidaamka cafimaadka ee Marinka Gaza ee Go’odoonsan. “Waxaan ku boorineynaa beesha caalamka iyo Hayadaha Qaramada Midoobe iney soo farageliyaan si ey xarumaha caafimaadka iyo shaqaalaha uga ilaaliyaan qabsashada Isra’iil,dilka iyo burburinta” ayey Wasaaradu raacisay hadalkeeda. 13-kii Bishaan Maajo,Wasaaradda Caafimaadka ayaa sheegtay in ugu yaraan 500-Qof oo shaqaale caafimaad ah la dilay tan iyo markii uu bilawday dagaalka Isra’iil ee Marinka Gaza Oktoobar-7/2023-kii. In kastoo digniino caalami ah ey soo saareen haddane ciidamadda Isra’iil ayaa 6-dii bishaan weerar dhanka dhulka ah ku qaaday magaaladda Rafax,waxaane tan iyo xilligaas ey isku balaariyeen bariga magaaladda Rafax waxa eyna gaareen ilaa bartamaga magaaladda Rafax. Qiyaastii 1.5-Milyan oo Falastiiniyiin barakacayaal ah ayaa megangalyo u raadsaday magaaladda Rafax,Qaxootiga reer ee lagu qiyaasay iney dhan yihiin ilaa 800-kun Qof ayaa ka qexeen magaaladda tan iyo markii uu bilawday weerarka ciidamadda Isra’iil. Isra’iil ayaa sii waday weerarka naxariis daridda ah ey ku hayso Marinka Gaza in kastoo Golaha Amaanka ee Qaramada Midoobe uu soo saaray qaraar uu ku dalbanayo xabad joojin deg deg ah. Ugu yaraan 36,050-qofood oo Falastiiniyin ah ayaa lagu dilay Marinka Gaza,badi dadka la dilay ayaa u badan Caruur iyo Dumar,in ka badan 81-kun oo kalane waa lagu daawacay tan iyo 7/10/2023-kii.
ISHA/AA.
XASUUQII UGU XUMAAY OO KA DHACAY RAFAX.
(SAWIR)-KA.DADKII LAGU XASUUQAY RAFAX.
(RAFAH)-Duqeymo dhinaca cirka ah oo ey fuliyeen ciidamadda Isra’iil ayaa waxa ey ku dileen ugu yaraan 35-Qof oo Rayid ah oo Falastiiniyiin ah kuna sugnaay xero ey degan yihiin dad barakacayaal ah oo ku taalo magaaladda Rafax,sida ey sheegeen maamulka caafimaadka Marinka Gaza ey gacanta ku hayaan Xamaas. Tani waa dhacdadii ugu dhimahsada badneed ee ka dhacda Rafax tan iyo markii Isra’iil ey weerarkeeda ka bilawday magaaladda Rafah horaantii bishaan Meey-2024-ka. Weerarka Isra’iil ayaa dhacay maalmo uun ka dib markii Maxkamadda Caalamiga ah ee Cadaaladda ey ku amartay Isra’iil iney si deg deg ah u joojiso hawlgaladda Mileteri ee Rafax. Duqeymaha dhinaca cirka ee Isra’iil ayaa sababay dab balaaran oo ka kacay gudaha xeradda ka sameysan teendhadda. Muuqaalo lagu faafyey baraha bulshadda ayaa muujinaayo meydad gubtay oo laga soo saarayey xarunta. Ciidamadda difaaca Isra’iil ayaa xaqiijiyey in diyaarad ey leeyihiin Isra’iil iney duqeyn ka gaysatay degaanka,waxayna sheegeen in bartilmaameedku ahaay xarunta Xamaas ey ku leedahay Rafax “oo ey ka hawlgalaan kooxda Xamaas”. Dhinaca kale,war ey soo saartay Wasaaradda caafimaadka Xamaas ayaa sheegay in Xasuuqa cusub ee ka dhacay Rafax ayaa si weyn looga cambaareeyey dhulka Falastiin halka ciidamadda Isra’iil ey sheegeen iney duqeeyeen xarun ey Xamaas ku leeyihiin Rafax Iyadoo Wasaaradda Caafimaadka ee Gaza ey ka digtay in “Weligeed Taariikhda lagu arkin tiro intaas la’eg oo ah dil wadareed la soo abaabulay oo si wadjir ah loo isticmaalo indhaha adduunka sida hadda ka dhacayso Gaza”,Xafiiska Warbaahinta dawladda ayaa carabka ku adkeeyey qabashadda Rafax. Waxaa la beegsaday in ka badan toban xarumood oo lagu hoobtay saacadihii la soo dhaafay waxaane ku dhintay in ka badan 190-Qof. Xasuuqani waxa uu sii xumaynayaa khasaaraha dagaalka Marinka Gaza ka socdo tan iyo bishii Oktoobar todobadeedii sannadkii 2023-ka,tirada dhimahsada ilaa hadda waxa ey dhan tahay 35,984-Qof,dhaawacana waa 80,643-Qof,wxaane burbur baaxad leh uu soo gaaray kaabayasha dhaqaalaha,waxaane dhulkaasi ka jirto xaalad bani’adanimo oo aad u adag.
ISHA/WAKALADO.
MARAYKANKA OO HUB KA IIBIN DOONO SACUUDIGA.
(SAWIR)-KA.XOGHAYAHA ARRIMAHA DIBADDA MARAYKANKA ANTONY BLINKEN.
(WASHINGTON)-Dalka Maraykanka ayaa la filayaa inuu qaado xayiraada dhanka ka iibinta hubka wax lagu weeraro dalka Sacuudiga,waxaane laga yaabaa iney arrintaasi dhacdo todobaadyadda soo socdo sida uu maanta oo Axad ah sheegay Wargayska Financial Times. Dawladda Maraykanka ayaa durba dalka Sacuudiga u muujisay iney diyaar u tahay in xayiraada laga qaado sida uu wariyey Wargyaska isaga oo soo xiganaayo qof la socday arrintaan. Wax yar ka dib markii uu xafiiska la wareegay MW-Biden 2021-kii,ayuu Biden waxa uu qaatay Mawqif adag oo ku saabsan ololaha Sacuudiga ee ka dhanka ah Xuutiyiinta Yeman ee xulafadda la ah dalka Iraan,kuwaaso gaystay khasaaro ba’an oo rayid ah,iyo xaaladda Riyaad ee dhinaca Xuquuqda aadanaha ah gaar ahaan dilkii 2018-kii ee Washington Post saxafi u shaqeynaayey isla markaasne mucaarad ku ahaay siyaasadda dalka Sacuudiga Jamal Khashoggi. Dalka Boqortooyadda Sacuudiga oo ah Macaamiisha ugu weyn ee iibsata Hubka uu sameeyo Maraykanka ayey ka careysiisay xanibaadahaasi,kuwaaso xayiray nooca iibka hubka ee maamuladii hore ee Maraykanka ey bixin jireen tobanaan sano. Xoghayaha Arrimaha Dibadda Maraykanka Antony Blinken ayaa Arbacadii sheegay in Maraykanka iyo Sacuudiga ey aad ugu dhawaayeen iney soo afjaraan heshiisyo ku saabsan tamarta Nukliyeerka,Amniga iyo iskaashiga difaaca,qeybta laba geesoodka ah ee heshiiska caadiga ah ee Riyaad iyo Isra’iil. Si kastaba ha ahaatee,qaadista xayiraadda iibka hubka wax lagu weeraro ah si toos ah ulama xiriirin wada hadaladaan ayuu yiri Wargayska Financila Times. Aqalka Cad ee dalka Maraykanka iyo Xafiiska Isgaarsiinta dawaladda Sacuudiga si deg deg ah ugama jawaaabin codsi ey Wakaaladda Wararka Reuters u dirtay oo faallo ah.
ISHA/REUTERS.