RW-DABEIBA OO KA HADLAY BOOLISKA ANSHAXA.
(SAWIRKA)-BOOLISKA LIIBIYA.
(TRIPOLI)-Reysal Wasaaraha dalka Liibiya C/xamiid AL-Dabeiba ayaa difaacay go’aanka lagu dhisayo Waaxda Anshaxa Dadweynaha ee Wasaaradda Arrimaha Gudaha isagoo sheegay in eysan “saameyneyn Xuriyadda Shaqsiga ah laakin ey ujeedau tahay in lala dagaalamo kuwa Anshaxa iyo Akhlaaqda bulshada kharibaayo”. Reysal Wasaare AL-Dabeiba waxa uu ku sheegay khudbadiisa uu ka jeediyey madasha dhallinyarada Liibiya ee Misraata,”Ma noqoneyno Gole dadka farta wanaaga oo reeba xumaanta,amaba dadka garaaca,maadaama aaney taasi ku wanaagsaneyn Liibiyaanka oo ah kuwa diinta ugu dhaqma sida ey tahay”. Reysal Wasaare AL-Debaiba,isagoo hadalkiisa sii wata ayuu yiri”Dhammaan ardaydaan gabdhaha ah ee wax ka barata dugsiyadda Liibiya waa ey xijaaban yihiin,taasine kuma imaan xoog, balse waxay sabab u tahay in hooyooyinku ey guryahooda ku soo barbaariyaan”,isagoo ku nuux-nuuxsaday sida ey lagama maarmaan u tahay in lala dagaalamo kuwa ku dhaqma Sixirka iyo xumaanta,sida uu hadalka u dhigay”.
ISHA-ALH.
NIN ISRA’IILI AH OO LAGU LA’AYAHAY ABU DHABI.
(SAWIRKA)-RABBI ZVI KOGAN.
(ABU DHABI)- Wararka aan ka heleyno magaaladda Abu Dhabi ee dalka Isutaga Imaaraatka Carabta ee Midoobay ayaa sheegaayo in Rabbi Zvi Kogan oo ah ergayga Abu Dhabi u jooga Chabad oo ah Urur Yahuud ah lugna ku leh Waxbarashada iyo Diinta Yahuuda ayaa la la’ayahay tan iyo Khamiistii inaga tagtay, waxaane la sheegay in laamaha amaanka Isra’iil ey ka cabsi qabaan in la afduubay ama la dilay,arrinkaan ayaa maanta oo Sabti ah soo shaac baxday. Xafiiska Reysal Wasaaraha Isra’iil ayaa soo saaray bayaan uu ku xaiijinaayo waayitaanka Kogan wuxuuna sheegay in masuuliyiinta ey dhacdadaan ula dhaqmaan sidii fal argagixiso oo looga shakisan yahay. Xafiiska Reysal Wasaaraha ayaa intaas raaciyey in Hayadda Sirdoonka Dibadda ee Isra’iil ee loo yaqaano MOSSAD ey bilawday baaritaan balaaran oo ku saabsan dhacdadaan oo ey garab taagan yihiin masuuliyiinta Imaaraatka. Sidoo kale,Golaha Amniga Isra’iil ayaa soo saaray digniin ku saabsan in muddo ey ku taliyeen inaan dalka Imaaraatka Carabta loogu safrin arrimo aan muhiim ahayn. Bayaan ka soo baxay Wasaaradda Arrimaha Gudaha Imaaraatka ayaa lagu sheegay in Abu Dhabi ey fulineyso talaabooyinka balaaran oo ey ku baadi goobeyayaan “Rabbi Kogan”iyadoo aan la sheegin dhalshadiisa Isra’iil ah.
ISHA-TI.
DAGAALKA MARINKA GAZA OO GALAY….
(SAWIRKA)-BURBURKA MARINKA GAZA.
(GAZA)-Ugu yaraan 120-Qofood oo kale oo reer Falastiin ah ayaa lagu dilay weerarada Isra’iil ee Marinka Gaza 48-saac ee la soo dhaafay,taaso tirada guud ee dhimashada tan iyo sannadkii hore 2023-kii ka dhigeyso 44,176-Qofood, Wasaaradda Caafimaadka Marinka Gaza ayaa sheegtay maanta oo Sabti ah. War ka soo baxay Wasaaradda ayaa intaas ku daray in ilaa 104,473 kale ey ku dhaawacmeen weerarada socdo. “Ciidamadda Isra’iil waxay dileen 120-qof, 205-kalane wey ku dhaawacmeen todobo xasuuq oo loo gaystay qoysas reer Falastiin ah 48-saac ee la soo dhaafay”ayuu yiri Wasiirka. “Dad badan ayaa weli ku hoos jira burburka iyo wadooyinka iyadoo samafalayaashu ey awoodi waayeen iney gaaraan”. Ciidamadda Isra’iil ayaa sii wada dagaalka xasuuqa ah ee ey ku hayaan Marinka Gaza tan iyo markii ey Xamaas weerartay sannadkii hore,in kastoo Golaha Amaanka ee Qaramada Midoobe uu qaraar ka soo saaray xaba joojin deg deg ah. Aqoonsiga caalamiga ah ee xasuuqa Gaza ayaa kordhay sannadkii labaad ee dagaalka dhimashada badan ee Isra’iil, iyadoo Ururada iyo hogaamiyeyaasha ey dhacdooyinkaan ku tilmaameen isku day ula kac ah oo lagu baabi’inaayo dadka. Maxkamadda Caalamiga ah ee Dembiyadda ee ICC ayaa ku dhawaaqday tallaabo taariikhi ah Khamiistii iney soo saartay amar lagu soo xiraayo Reysal Wasaaraha Isra’iil Benjamiin Netanyahu iyo Wasiirka hore ee Difaaca Yoav Gallant oo lagu eedeeyey dembiyo dagaal iyo dembiyo ka dhan ah Bani’adanimada ee Gaza. Isra’iil ayaa wajahayso kiis xasuuq ah oo ka socdo Maxkamadda Caalamiga ah ee Dembiyadda ee dagaalka dhimashada badan ee Marinka Gaza.
ISHA-AA.
LUBNAAN OO LOO QORSHEYNAAYO INEY KA DHACD…
(SAWIRKA)-CIIDAMADDA DIFAACA ISRA’IIL.
(BEIRUT)-Maanta oo Jimca ah,Wargayska Maraykanka ka soo baxa ee NEW YORK TIMES ayaa soo xigtay masuuliyiin heer Gobol ah iyo Maraykan ah oo aqoon u leh dadaaladda Diblomaasiyadeed ee lagu doonaayo in lagu gaaro heshiis Xabad-Joojin ah oo ka dhaca Lubnaan,isagoo sheegay in qodobadda heshiiska ey ka bilaan iney qaab u sameeyaan. Masuuliyiintaan oo Waraysi siiyey Waragayska ayaa ka digay iney lama huraan tahay in laga shaqeeyo tafaasiisha muhiimka ah ee ku saabsan fulinta,isla markaane laga yaabo in kala aragti duwanaanshiyaha sii socota iney caqabad ku noqoto heshiis kasta halka qaarkoodne ey tilmaameen iney jiraan sababo rajo gelin ah,xataa haddii ey taasi ka digtoonaadaan. Saraakiisha qaar ayaa sheegay in heshiiska la soo jeediyey uu ku baaqo xabad-joojin 60-maalmood ah,mudadaas oo ey ciidamadda Isra’iil ka baxayaan koonfurta Lubnaan,dagaalyahanada Xizbullahne ey u baxayaan Waqooyiga Wabiga Litani,kaaso qiyaas ahaan barbar socda xadka Lubnaan iyo Isra’iil,inta lagu jiro mudadaas,ciidanla Lubnaan iyo ciidamadda Nabad Ilaalinta Qaramada Midoobe(UNIFIL) waxay xoojin doonaan hawlgalkooda aaga xadka,iyo hab cusub oo dhaqangelin ah oo uu hogaaminaayo Maraykanka waxay xaqiijin doontaa in Xizbullahi iyo Isra’iil ey ku sii sugnaadaan meel ka baxasn aaga.
ISHA-AN.
CIRAAQ OO KA HADASHAY WEERARADA ISRA’IIL.
(SAWIRKA)-RW-AL-SUDANI.
(BAQDAD)-Reysal Wasaaraha dalka Ciraaq Maxamed AL-Sudani ayaa sheegay in dagaalka Isra’iil ey ku dooneyso iney ku balaariso colaada Gobolka “ey ka dhigan tahay isha ugu muhiimsan ee khatarta ah ee khatar gelineysa amaanka iyo xasiloonida dalka Ciraaq”. Al-Sudani waxa uu intaas ku daray mar uu khamiista booqasho ku tegay Xarunta Ciidamadda Xuduudaha ee Baqdaad in Golaha Wasiiradda soo gudbiyeen shuruudaha ilaalinta iyo sugidda xuduudaha,gaar ahaan marka loo eego xaaladaha qalafsan ee amaanka Gobolka iyo saameynta colaada Gobolka. Afhayeenka dawladda Ciraaq Baasim AL-Cawaadi ayaa dhankiisa sheegay in Reysal Wasaare AL-Sudani uu i deg deg ah u qaaday talaabo heer caalamia ah iyo mid gudaha ah “si loo helo is barbar dhig siyaasadeed oo qaran oo ka fogaanayo Ciraaq iney noqoto goob dagaal ama Xisbi.
ISHA-AH.
XILDHIBAAN SHEEGAY IN XIZBULLAHI UU JABAY….
(SAWIRKA)-XILDHIBAAN NADIIN JAMAAL.
(BEIRUT)-Xildhibaan Nadiim Jamiil oo ka tirsan Baarlamaanka Lubnaan,waxa uuna xubin ka yahay Xisbiga Phalange ayaa sheegay in khilaafka dhabta ah uusan hadda u dhexeynin Lubnaan iyo Isra’iil balse dagaalka ayaa ah mid u dhxeeyo Isra’iil, Xizbullahi iyo Iraan. Marka la eego horumar la’aanta wada xaajoodka ee uu hogaaminaayo Ergayga Maraykanka ah Amos Hochstein,Jamaal wuxuu sharaxay hadallo uu siiyey TV-ga AL-Hurra in “Qofkii bilaabay dagaalka Lubnaan waa Xizbullahi oo ka dhan ah Isra’iil iyo cid kasta oo ka soo horjeeda. Dagaalka waa kan loo baahan yahay in xal loo helo,Lubnaan xal looma heli karo,waana tan Reysal Wasaaraha iyo Gudoomiyaha Baarlamaanka,oo u gorgortamaya magaca Xizbullahi,waane inuu soo celiyaa qof kasta.
ISHA-AL-H.
CARABTA-YAHUUDA AH OO KA HORTIMID GO’AANKA…
(SAWIRKA)-BAARLAMAANKA ISRA’IIL.
(TEL AVIV)-Kooxda Bidixda Isra’iil ee Peace Now iyo xubno ka tirsan Baarlamaanka Isra’iil ee Carabta ah Axmed Tibi ayaa si adag u cambaareeyey Jimcaha maanta ah go’aanka Wasiirka Difaaca Isra’iil Katz uu ku hakiyey amaradda xariga ah ee maamulka kana dhanka ah dadka Isra’iiliyiinta ah ee sida sharci darada ah loo soo gejiyey isagoo ku tilmaamay”Taageeradda Aragagixisada Yuhuuda”. Kooxda Peace Now oo la socota kana soo horjeedo dhaqdhaqaaqyada dejinta Isra’iiliyiinta eed dhulalka la haysto,ayaa ku sheegay qoraal uu so dhigay bartiisa(x) “Baabi’inta Amarada Xabsiga maamulka ee dadka la soo dejiyey ooo kaliyah waa talaabocaqli gal ah oo taxadar la’aan ah oo iska cad eyna caadi ka dhigtay kor u kaca Argagixisada Yuhuuda ee hoos yimaado daboolka dagaalka”.
ISHA-AA.
SIDEE LOOGA FALCELIYEY WAARANKII MAXKAMADDA ICC?
(SWIRKA)-BANAANBAX.
(LONDON)-Maxkamadda Caalamiga ah ee Dembiyadda ICC ayaa maanta oo Khamiis ah waxa ey soo saartay Amar lagu soo xiraayo Reysal Wasaaraha Isra’iil Benjamiin Netanyahu iyo Wasiirkii hore ee Difaaca Isra’iil Yoav Gallant, hadaba arrintaan ayaa waxaa ka falceliyey dalal fara badan oo adduunka ah,wadamada qaarkood ayaa sheegay iney Ixtiraami doonaan go’aanka Maxkamadda Caalamiga ah ee Dembiyada ee ICC halka qaar kale xulafana la ah dalka Maraykanka ey go’aankaasi iska diideen. Maxkamadda Caalamiga ah ee Dembiyadda ICC ayaa khamiista maanta ah soo saartay AMAR lagu soo xiraayo Reysal Wasaaraha Isra’iil Benjamiin Netanyahu iyo Wasiirkii hore ee Difaaca Yoav Gallant, labadaan masuul ee reer Isra’iil ayaa lagu eedeeyey dembiyo dagaal oo ka dhacay Marinka Gaza. Talaabadaan ayaa la filaayey muddo bilo ah ka dib markii dacwad Oogaha Guud ee Maxkamadda Caalamiga ah ee Dembiyadda ICC Kariim Khan uu sheegay bishii Meey-2024-ka inuu waaran u doonan doono saraakiisha Isra’iil.
ISHA-NA.
AUSTRALIA OO FIISO U DIIDAY WASIIRAD ISRA’IIL AH, SABAB?
(SAWIRKA)-AYELET SHAKID.
(AUSTRALIA)-Dalka Australia ayaa diiday inuu siiyo Wasiir hore oo reer Isra’iil ah Ayelet Shakid Fiisaha ey ku geleyso dalka Australia si ey uga qeybgasho shir, sababta loogu diiday Fiisaha Wasiiradda hore ayaa lagu sheegay iney suurtaga tahay iney “Hurineyso Colaad”, sida ey sheegtay warbaahinta Isra’iil maanta oo Khamiis ah. Wasiirad Shakid ayaa soo noqotay Wasiiradda Cadaaladda Isra’iil inta u dhexeysay 2015-kii ilaa 2019-kii, halka ey Wasaaradda Arrimaha Gudaha ey Wasiir ka soo noqotay inta u dhexeysay sannadadii 2021 ilaa 2022-dii,Wasiiradaan ayaa si cad diiday dhismaha Dawalad ey iska leeyihiin dadka reer Falastiin,waxayna kicineysaa dadka reer Falastiin. Wargayska ka soo baxa dalka Isra’iil ee MAARIV ayaa khamiista maanta ah yiri”Wasiiradii hore ahne xubin ka tirsan Baarlamaanka Ayelet Shakid ayaa laga mamnuucay iney gasho dalka Australia”.
ISHA-QUDUS.
DUQA MAGAALADDA DEARBORN OO SHEEGAY INUU…
(SAWIRKA)-DUQA MAGAALADDA DEARBORN EE G/MICHIGAN USA.
(DEARBORN)-Maamulka Madaxweynaha Maraykanka Joe Biden ayaa Khamiista maanta ah sheegay iney asal ahaan diidan yihiin amarkii lagu soo xiraayey ee Maxkamadda Caalamiga ah ee Dembiyadda ee ka dhanka ah Reysal Wasaaraha Isra’iil iyo Wasiirkii hore ee Difaaca laakinse duqa magaaladda ey ku nool Carabta ugu badan dalka Maraykanka ee Dearborn ee Gobolka Michigan oo ahaa nin si cad dhaleeceeyey taageeradda Maraykanka siiyo Isra’iil bilihii la soo dhaafay ayaa sheegay inuu ku biiri doono inta badan dalalka Aqoonsaday awooda Maxkamadda oo uu fulin doono waaranka qabashada Reysal Wasaaraha Isra’iil Netanyahu iyo Wasiirkii hore ee Difaaca Gallant haddii la siiyo fursad. Duqa Magaaladda Dearborn ee Gobolka Michigan Cabdullah Xamuud ayaa bartiisa (x) ku sheegay “Madaxweyneheyna waxaa laga yaabaa inuusan talaabo qaadin,laakinse hogaamiyeyaasha magaaladda waxa ey hubin karaan in Reysal Wasaaraha Isra’iil Benjamiin Netanyahu iyo dembiileyaasha kale ee dagaalka aan lagu soo dhaweyn iney si xor ah ugu safraan dalka Maraykanka”.
ISHA-AL-QUDUS.
MARAYKANKA OO WACAD KU MARAY INUU BURBURIN DOONO XUUTIYIINTA.
(SAWIRKA)-XOGHAYAHA G/DHIGA MARAYKANKA.
(PENTAGON)-Xoghayaha Difaaca Maraykanka Lloyd Austin ayaa Arbacada maanta ah sheegay in Mileteriga Maraykanka ey kordhin doonaan weerarada ka dhanka ah Xuutiyiinta Yeman, sababto ah weerarada joogtada ah ee ey ku hayaan Marinadda Maraakiibta ee Badda Cas. “Waxaad nagu arki doontaa meel aan ku sii kordheyno isticmaalka dhammaan walxaha noo diyaar ah awoodeyda qaran si aad runtii u bilawdo inaad tan hoos u dhigto,dib u garaac”Austin wuxuu ka yiri dadaalka Maraykanka ee lagu dhimaayo awooda Xuutiyiinta iyo awooda ey u leeyihiin iney fuliyaan weerarada. Washington waxay si muuqata u kordhisay mudada weeraradeeda ka hortaga ah ee ey ku hayso kooxda ey Iraan taageerto bishii hore,oo ey ku jiraan bambooyinka B-2 oo laga keenay Maraykanka hal hawlgal.
ISHA-AR.
WEERAR LAGU QAADAY MAGAALADDA TUDMAR.
(SAWIRKA)-MAGAALADDA QADIIMKA AH EE TUDMAR.
(SYRIA)-Kooxda la socota arrimaha Xuquuqul Insaanka ee dalka Suuriya ayaa xaqiijisay in dhimashada ey gaartay ilaa 61-Qof oo ka mid ah dadkii ku dhintay weerarkii Isra’iil ey ku qaaday Magaaladda Tudmar ee Suuriya maanta oo Arbaca ah. Kormeerka ayaa u sheegay Telefishanka AL-Carabiya iyo AL-Xadath in ku dhawaad 110-Qofood ey ku dhinteen kuna dhaawacmeen duqeymaha Isra’iil ee magaaladda Tudmar,iyadoo ku micneysay in duqeymahaasi lala beegsaday seddex goobood. Wuxuu xaqiijiyey in afar Xubnood oo ka tirsan Ururka Xizbullahi iyo 22-Qof oo aan u dhalan dalka Suuriya lagu dilay duulaanka ka dhacay magaaladda Tudmar intaas isagoo ku daray in dadka tirada ee lagu dilay weerarka Isra’iil ey ku qaadeen Tudmar ey ka tirsan yihiin dhaqdhaqaaqa AL-Nujaba’a ee Ciraaq,ciidamadda Isra’iil ayaan wax hadal ah ka soo saarin dhacdadaan. Waxaa xusid mudan in Isara’iil ey xoojisay beegsiga ey ku hayso goobaha Suuriya,si ey uga hortagto Iraan iyo xulafadeeda in ey balaariyaan awoodooda ciidan ee dalkaasi. Sida laga soo xigtay Kooxda Xuquuqul Insaanka Suuriya ciidamada Isra’iil ayaa wadar ahaan 152-weerar ka fuliyey Suuriya tan iyo bilawgii sannadkaan 2024-ka. Weerarada ka dhaca magaaladda Tudmar ayaa ah kuwa leh muhimad gaar ah maadaama magaalada Qadiimiga ah ey ku jirto liiska dhaxalka Adduunka ee UNESCO,waxaane ey ahayd meel loo dalxiis tago ka hor inta uusan qarxin dagaalka sokeeye ee dalka Suriya sannadkii 2011-kii. Waxaa xusid mudan in sannadkii 2015-kii ey magaaladda qabsadeen eyna burburiyeen kooxda DAACISH,ka hor inta aan Ururka Daacish laga saarin sannadkii-2017-kii.
ISHA-AL-CARABIYA.
URURKA XIZBULLAHI MA AQBALI DOONAA WAXA…
(SAWIRKA)-HOGAAMIYAHA URURKA XIZBULLAHI SHEEKH NACIIM QAASIM.
(BEIRUT)-Wararka imaanaayo caasimadda dalka Lubnaan ee Beyruut ayaa sheegaayo in Ururka Xizbullahi uu maanta oo Talaada ah uu ku dhawaaqay inuu dib u dhigay khudbadii uu jeedin lahaa Xoghayaha guud ee Ururka Xizbullahi Sheekh Naciim Qaasim waxa yar ka dib markii Ergayga Maraykanka Amos Hochstein oo ku sugan Beyruut uu xaqiijiyey iney jirto fursad dhab ah oo lagu soo afjari karo arrimaha socdo ee ah khilaafka u dhexeeyo Ururka Xizbullahi iyo Isra’iil, Ururka Xizbullahi ayaa sheegay in “Khudbada Xoghayaha Guud Sheekh Naciim Qaasim dib loo dhigay taariikh la go’aamin doono waqti dhaw”iyada oo aan la sharaxin sababta dib loogu dhigay. Tani waxa ey timid wax yar uun ka dib markii Hochstein uu ku dhawaaqay in wada hadal uu la yeeshay Afhayeenka Baarlamaanka Lubnaan Nabiih Berri kaaso Ururka Xizbullahi uu u xislaaray inuu ku xaajoodo magaciisa. Ergayga Maraykanka Hochstein khudbad uu jeediyey ka dib markii uu kulan la yeeshay Afhayeenka Baarlamaanka dalka Lubnaan Nabiih Berri halka loo yaqaano Ceynu Tiinah,waxa uun Hochstein yiri” Waxaan haysanaa fursad dhab ah oo aan ku soo afjarno khilaafka, waxaana rajeynaa inaan xal gaarno maalmaha soo socdo”. Hochstein ayaa xusay “Wada hadaladii Berri waxay ahaayeen kuwa wax ku ool ah,waxaana xaqiijineynaa iney inaga go’an tahay inaan sameyno wax walba oo aan awoodno si aan ugala shaqeeyno Lubnaan iyo Isra’iil si loo dhammaystiro khilaafka,waxaane sii wedeynaa inaan buuxino dul duleeladda heshiika”. Hochstein ayaa la kulmay Afhayeenka Baarlamaanka Lubnaan muddo saacad iyo bar ah iyadoo uu goobjoog ka ahaa safiirka Maraykanka ee Lubnaan iyo la Taliyaha dhanka warbaahinta ee Afhayeenka Berri ninka lagu magacaabo Cali Xamdaan.
ISHA-AN.
SUUDAAN: CIIDMADDA DAWLADDA OO SOO RIDAY…
(SAWIRKA)-CAASIMADDA SUUDAAN EE KHARTUM.
(SUDAN)-Ilo wareedyo Maxali ah oo ka imaanayo magaaladda Cadhbarah ee Gobolka Niil dalka Suudaan ayaa ku waramaayo in subaxnimadii maanta oo Isniin ah gentaaladda Lidka diyaaradaha ee ciidamdu ey ka jawaabeen shan diyaaradood oo ah kuwa aan duuliyaha lahayn kuwaaso bartilmaameedsaday garoonka diyaadaha Cadhbarah iyo agagaarka Suuqa Weyn,wararka ayaa intaas raaciyey ineysan jirin wax khasaara ah oo dhimasho iyo dhaawac ah oo ka dhashay weerarkaas. Wararka ayaa sheegaayo in garoonka diyaaradaha ee Cadhbarah ey ka socdaan hawlo dayactir iyo balaarin ah oo ey ka mid yihiin dib u habeyn lagu sameynaayo dhabaha ey diyaaraduhu ku ordaan iyo sameynta goobo cusub oo ey ku nastaan dadka rakaabka ah si loogu diyaargaroobo duulimaadyadda gudaha iyo dibadda. Wararka ayaa sheegaayo in dadaaladaan ey ku yimaadeen qaab dhismeed lagu diyaarinaayo in magaaladda ey noqoto xarun kale oo ey ku yeelan karaan qaar ka mida Hayadaha Dawaladda Federaalka ah oo laga yaabo in lagu wareejiyo,halkii ey ka ahaan lahayd Port Sudan,magaaladda Cadhbarah ayaa qiyaastii 130-kiilomitir u jirta caasimadda Khartuum.
ISHA-AH.
XAMAAS OO WELI HAYSAN DHUL EY DEGTO, SABAB?
(SAWIRKA)-HOGAANKA SIYAASADDA EE XAMAAS.
(TURKEY)-Ilo Diblomaasiyadeed oo Turki ah ayaa Wakaaldda Wararka Caalamiga ah ee Reuters u sheegay maanta oo Isniin ah wararka sheegaayo in Xafiiska Xarakadda Xamaas ee reer Falastiin ee ka furnaay caasimadda Dooxa ee dalka Qadar loo soo raray dalka Turkiga. Isha warka ayaa beenisay runimada warkaasi weliba si diidma ah,waxa uuna sharaxay in xubno ka mida Xarakadda Xamaas dalka Turkiga mar mar ey yimaadiin. Dawladda Qadar ayaa todobaadkii hore sheegtay iney ku wargelisay Xarakadda Xamaas iyo Isra’iil iney hakiyeen dadaaladdii dhexdhexaadinta ahaa ee lagu doonaayey in lagu gaaro hesiis Xabad-joojin ah laguna sii daayo la haystayaasha reer Isra’iil ilaa ey labada dhinaca ka muujiyaan “dareen dhab ah iyo rabitaan dhab ah”oo ah in dib loo bilaabo wada hadaladda. Laakinse dawladda Qadar waxay isla markaas tilmaantay in wararka warbaahinta ee ah iney Xamaas ku wargelisay iney lama huraan tahay iney dalka ka baxaan ey yihiin kuwa aan sax ahayn.
ISHA-AH.
XUKUNKA DILKA AJAANIBTA OO KORDHAY DALKA…
(SAWIRKA)-AMNESTY INTERNATIONAL ACTIVISTS.
(RIYAD)-Ma aha wax cusub in la maqlo Gudaha dalka Boqortooyada Sacuudiga ayaa lagu Toogtay dad Ajnabi ah oo galay dembiyo kala duwan,balse markaan sheekada ayaa sidaas ka duwan oo waxaa soo baxay tiro Ajnabi ah oo lagu Toogtay Sacuudiga sannadkan 2024-ka. Ogow in, in ka badan boqol Qofood oo Ajaanib ah lagu fuliyey dil Toogasha ah Gudaha dalka Sacuudiga Sannadkaan bisha ka harsan tahay ee 2024-ka, sida lagu sheegay tira koob ey sameeysay Wakaaladda Wararka ee AFP. Shalay oo Sabti ahayd,Wakaaladda rasmiga ah ee Wararka u faafisa dalka Sacuudiga ayaa ku warantay in xukun dil ah lagu fuliyey Mawaadin Yemani ah kaaso lagu helay inuu Daroogo soo geliyey dalka Boqortooyadda Sacuudiga. Sida laga soo xigtay Wakaaladda Wararka ee AFP, warar ey ka soo ururisay warbixino ey daabaceen Warbaahinta Xukuumadda Sacuudiga kuwaaso sheegay in tirada dadka Ajaanibta ah ee ilaa hadda la toogtay ey dhan yihiin ilaa 101-Qof sannadkan 2024-ka, tiradaan ayaa ah mid ku seddex laabanta tirada dadka Ajaanibta ah ee la toogtay Sannadadii 2023 iyo 2022-kii. “Tani waa tiradii ugu badneed ee dil Toogasha ah oo lagu fuliyey dad Ajaanib ah muddo sannad gudahiis ah, dalka Sacuudiga weligiis kuma fulinin dil Toogasha ah 100-Qofood oo Ajaanib ah sannad gudihiis”,sidaas waxaa yiri Taha AL-Xaaj oo ah Agaasimaha Sharciga ee Ururka Xuquuqda Aadanaha ee Yurub iyo Sacuudiga ee fadhigiisu yahay magaaladda Berlin ee dalka Jarmalka.
ISHA-MEE.
MADAXII WARBAHINTA EE URURKA XIZBULLAHI OO LA DILAY.
(SAWIRKA)-
(BEIRUT)-Xilli ilo ka tirsan Lubnaan ey shaaciyeen Axada maanta ah, in la dilay Sarkaal Xiriirka Warbaahinta u qaabilsanaay Ururka Xizbullahi Maxamed Cafiif, taaso ka dhalatay weerar ey Isra’iil ku qaaday Xarunta Dhexe ee Xisbiga Hantiwadaaga Carabta ee AL-Bacath ee degaanka Raas AL-Naba’a ee Beyruut, Ciidamadda Isra’iil ayaa diiday iney beeniyaan ama ey xaqiijiyaan warkaas. Sida ey sheegeen ilo wareedyo la soo xiriiray Wargayska AL-Xurra ee dalka Lubnaan Ciidamadda Isra’iil ayaa qaaday weerarkii ugu horeeyey maanta oo Axad ah waxa eyna duqeymo ka gaystaan degaanka Raas AL-Naba’a ee caasimadda dalka Lubnaan ee Beyruut, waxa ey intaas Isra’iil raacisay iney wado baaritaan,waxaase laga yaabaa xogta ku saabsan dhacdaan iney baaraan si ey uga soo saaraan war cad. Xoghayaha Guud ee Xisbiga Hantiwadaaga Carabta ee AL-Bacath Cali AL-Xijaazi ayaa xaqiijiyey in Maxamed Cafiif lagu bartilmaameedsaday weerarka Beyruut,waxa uuna sheegay inuu si kedis ah u joogay dhismaha dilkane uu ku soo beegmay waxaane jira “Hanjabaado joogta ah oo nagu soo wajahan”sida uu sheegay Cali Xijaazi.
ISHA-AH.
BEIRUT: MAXAMED CAFIIF OO DUQEYN LAGU DILAY.
(SAWIRKA)-MAGAALADDA BEYRUUR.
(BEIRUT)-Duqeymo naadir ah oo ey Isra’iil ka geysatay Bartamaha caasimadda Beyruut ee dalka Lubnaan ayaa lagu dilay Afhayeenkii Ururka Xizbullahi Axada maanta ah,Sida uu sheegay sarkaal ka tirsan Ururka Xizbullahi. Mar sii horeysay saraakiil ayaa sheegtay in duqeynta Isra’iil lagu dilay ilaa 12-Qofood Marinka Gaza,halkaaso Isra’iil ey dagaal kula jirto Ururka Xamaas ee reer Falstiin muddo sannad ah. Dilkii ugu dambeeyey ee lala beegsado saraakiisha sar sare ee Ururka Xizbullahi ayaa yimid iyadoo saraakiisha Lubnaan ey tixgelinayaan Hindise Xabad-joojin ah oo uu Maraykanku Hormuud ka yahay. Isra’iil ayaa sidoo kale duqeysay dhismayaal dhawr ah oo ku yaal duleedka Koonfurta Beyruut halkaaso muddo dheer xarun u ahayd Ururka Xizbullahi,ka dib markii ey Isra’iil uga digtay dadka iney halkaasi isaga guuraan. Maxamed Cafiif oo ahaa Madaxa Xiriirka Warbaahinta ee Ururka Xizbullahi ayaa lagu dilay weerar lagu qaaday Xafiiska Xisbiga Hantiwadaaga Carabta ee AL-Bacath ee bartamaha magaaladda Beyruut sida uu sheegay sarkaal ka tirsan Ururka Xizbullahi oo aan loo ogolayn inuu warfidiyeenka siiyo war lana qariyey magaciisa.Maxamed Cafiif ayaa si gaar ah u muuqday ka dib markii uu dagaalka ka dhex qarxay Isra’iil iyo Ururka Xizbullahi bishii Sebtembar ee sannadkan-2024-ka iyo dilkii Hogaamiyaha Ururka Xizbullahi Xasan Nasrallah ey Isra’iil ku dishay duqeyn. Bishii hore ee Oktoobar Maxamed Cafiif wuxuu si deg deg ah shir jaraa’id ugu soo gabagabeeyey magaaladda Beyrut ka hor weerarada Isra’iil.
ISHA-AP.
TAHRIIBAYAASHA GALA DALKA YEMAN OO…
(SAWIRKA)-SHAQAALAHA HAYADDA IOM EE YEMAN.
(ADEN-YEMAN)-Hayadda Socdaalka ee Qaramada Midoobe ee marka la soo gaabiyo loo yaqaano IOM ayaa sheegtay in lix kun oo Muhaajiriin Afrikaan ah ey soo galeen dalka Yeman,waxane dib ugu soo laabatay Yeman in ka badan seddex kun oo Qurbajoog Yemaniyiin ah bishii Oktoobar ee la soo dhaafay. Hayadda Socdaalka ee Qaramada ee IOM ayaa warixinteeda billaha ah ku dartay in Oktoobartii la soo dhaafay Matrix-ka dabagalka Barakaca ee Hayadda Caalamiga ah ee Socdaalka Yeman ey diiwaan gelisay 6,364-Muhaajir oo soo galay dalka Yeman,kororka Muhaajiriintana waxa uu gaaray ilaa 136% marka loo fiiriyo bishii hore,iyadoo tirada Muhaajiriinta soo gelaayo dalka Yeman ey gaareen 2,692-Muhaajr. Hayadda Socdaalka Caalamiga ah ayaa sheegtay in 79% Muhaajiriinta soo gaartay dalka Yeman iney ka yimaadeen dalka Jabuuti halka 21% soo hartayne ey ka yimaadeen dalka Soomaaliya,dhammaan Muhjiriintaas ayaa dalka Yeman kasoo wada galay Gobolka Shabwa’a kaaso inta badan ah marinka ugu weyn ee Muhaajiriinta Afrikaan ah marka loo eego ololaha ka socdo Xeebaha Gobolka Laxaj.
ISHA-MO.
BOOLISKA FARANSIISKA OO SOO FURTAY LA…
(SAWIRKA)-BOOLISKA FARANSIISKA.
(PARIS)-Wariye u shaqeeyo Wargayska AL-Xurah kuna sugan magaaladda caasimada ah ee Paris ayaa sheegay in ciidamadda Amaanka dalka Faransiiska ey u suurtagashay Sabtida maanta ah iney soo furtaan la haystayaal uu qof ku haystay gudaha Maqaayad ku taal xaafad ka tirsan caasimadda Faransiiska ee Paris. Shilkaan ayaa ka dhacay maqaayad lagu magacaabo Pizzeria oo ku taal aaga Hous-de-Seine ee Koonfur Galbeed Paris. Sida laga soo xigtay laamaha Amaanka, qofka wax qafaashay waxa uu watay Mindi waxa uuna ahaah shaqsi Qabatimay Daroogada taaso walaac xoogan ku abuurtay seddexda Maxbuus ee uu haystay. Xubno ka tirsan ciidanka Booliska Gaarka ah kuna takhasusay badbaadinta la haysaystayaasha iyo Hawlgaladda Argagixisadda ayaa bilaabay wada xaajood xoogan oo lala yeeshay ninka dadka afduubay iyadoo ujeedadu tahay in si nabad ah lagu sii daayo la haystayaasha.
ISHA-AH.