TAHRIIBAYAAL LAGU LA’AYAHA XEEBAHA YEMAN.
(SAWIRKA)QAXOOTI SOO GARAY YEMAN.
(YEMAN)-In ka badan 40-Qof oo Tahriibayaal Afrikaan ah ayaa ku dhintay shil cusub oo dooni kula degtay Xeebaha Gobolka Ticis ee Koonfur Galbeed dalka Yeman. Hayadda Qaramadda Midoobe u qaabilsan Qaxootiga ee UNHCR ayaa qoraal ey soo dhigtay barteeda Twitter-ka(x) ku sheegtay in maanta oo khamiis ah “Doon siday 45-qofood oo isugu jira Qaxooti iyo Tahriibayaal ka soo jeedo Geeska Afrika ey xalay kula degtay Xeebaha Gobolka Ticis ee dalka Yeman,ka dib markii ey ku dhufteen dabaylo xoogan iyo rar xadkiisa dhaafay”. Hayadda ayaa intaas raacisay in ilaa hadda la soo helay 4-qofood oo ka badbaaday musiibadaas,halka 41-kalane weli la la’ayahay,Hayadaha UNHCR iyo Hayadda Socdaalka Adduunka ee (IOM) iyo hayadaha maxaliga ah ee la hawlgala ayaa sii wada iney ka shaqeeyaan sidii ey u caawini lahaayeen kuwa soo badbaaday una dabooli lahaayeen baahiyaha ey qabaan. Yeman waxaa horay uga dhacday in 49-Tahriibayaal ah ey ku dhinteen kuwaaso 31-ka mid ah ey ahaayeen Dumar iyo 6-caruur ah,halka 140 kalane lagu waayey nolol,dhacdadaan ayaa la mid ah mid dhacday bishii juun-2024-ka ka dib markii dooni ey ku degtay Xeebaha AL-Gariif ee degmada Rudum ee Gobolka Shabwa’a,doonta degtay ayaa waxaa saarnaay dad dhan ilaa 260-qofood oo muhaajiriin ah,gudiga ayaa sheegay in dadkaasi 115-ka mid ah ey ahaayeen Soomaali halka 145-kalane ey ahaayeen Itoobiyaan. Hayadda Qaramadda Midoobe u qaabilsan Qaxootiga ee marka la soo gaabiyo loo yaqaano UNHCR xafiiskeeda dalka Yeman ayaa tilmaamay in shilkan uu yahay kii ugu dambeeyey shilal dilaa ah oo ka dhacay waxa loo yaqaano “Jidadka Socdaalka Bari”halkaaso tobanaan kun oo muhaajiriin Afrikaan ah ey socdaal halis ah ku maraan Badda Cas ee dalka Yeman iyagoo ka baxsanaayo Colaadaha,Musiibooyinka Dabiiciga ah iyo raadinta fursado shaqo oo wnaaagsan. Ururka Caalamiga ah ee Socdaalka ayaa sheegay bishii hore in kasto ey jiraan khataro badan oo ka jira marinadda Bari,hadane tirada muhaajiriinta imaaneysa sannad kasta dalka Yeman ey sii seddex jibaarmayaan intii u dhexeysay sannadadii 2021-kii iyo 2023-kii,iyadoo ey kor u kacday qiyaastii 27-kun qof waxa eyna gaartay ilaa in ka badan 90-kun.
ISHA/HAYADDO.
XUUTIYIINTA OO DIL KU XUKUMAY DAD GAARAAYO ILAA…
(SAWIRKA)-GUDIGA LA DAGAALANKA AFDUUBKA DADKA RAYIDKA AH EE YEMAN.
(MA’ARIB-YEMAN)-Wararka ka imaanaayo Goblka Ma’arib ee dalka Yeman halkaaso ey fadhido Xukuumadda Caalamku aqoonsan yahay ee dalka Yeman ayaa sheegaayo in Maamulka Qaran ee Maxaabiista iyo kuwa la Afduubtay ey sheegeen in xukunadda dilka ah ee ey kooxda Xuutiyiinta ku xukuntay dad rayid ah oo la afduubtay ey gaarayaan ilaa 145-xukun oo isugu jira kuwa dhintay iyo kuwa kale oo lagu sii daayey heshiisy isdhaafsi maxaabiis. Gudiga ayaa shir jaraa’id oo ey shalay oo Arbaca ahayd ku qabteen Magaaladda Ma’arib ee ah caaasimadda Gobolka Ma’arib ku sheegeen in tiradda xukunadda dilka ah ey soo saareen Maxkamadaha sharci-daradda ah ee kooxda Xuutiyiintaey gaareen 145-Qofood,kuwaaso sagaal ka mid ah dhibanayaasha la toogtay,laba ka mid ahne ey dhinteen intey xabsiga ku jiree,26-ka mid ahne lagu kala bedeshay heshiisyo ka dhacay gudaha iyo dibadda dalka Yeman,waxaane 12-qofood lagu xukumay dil ka dib markii la sii daayey,kooxda Xuutiyiinta ayey suuroobi weysay iney xiraan 25-ka mid ah,halka hal qof oo la qafaashay lagu sii daayey go’aan ka soo baxay Golaha Xukuumadda Xuutiyiinta,70-qofood oo rayid ah oo la afduubayne kuna sugan Xabsiyadda Xuutiyiinta maamulaan waxay halis ugu jiraan in la dilo. Shirkooda jaraa’id ayey cinwan uga dhigeen”Maya ma jiro dhaafin siyaasadeed”,gudiga waxa uu xaqiijiyey in xukunadda ey soo saareen Maxkamadaha Xuutiyiinta ey ka maqan yihiin sharciyadda sharci ah eyna yihiin kuwa sameeyey xadgudub bareer ah oo ka dhanka ah Xuquuqul Insaanka iyo Maxkamadeynta siyaasadeed ee heer sare ah. Waxa ey ku micneysay in go’aanka Golaha sare ee Garsoorka uu soo saaray 20-kii bishii Abriil sannadkii 2018-kii ee ah in Maxkamadda Dembiyadda khaaska ah loo wareejiyo Maxkamadda Demiyadda ee darjadda koowaad ee Ma’arib eyna beeniso sharcinimada Maxkamadaha ey Xuutiyiinta Gacanta ku hayaan. Kooxda Xuutiyiinta iyo xukunadda ey soo saartay iyadoo xustay in Qaramadda Midoobe ey ku tilmaantay Maxkamadeynta Xuutiyiinta sagaalka qofood ee rayidka ah ee ka dhacday Gobolka Xudeyda 18/9/2021-kii,ineysan ixtiraamin heerarka Maxkamadeynta cadaaladda ah. Maamulka dadka la afduubo ee dalka Yeman ayaa intaas ku daray in adeegsiga Garsoorka lagu xalliyo dhibcooyin siyaasadeed ey ka dhigan tahay khatar lagu haayo maxaabiista siyaasadda,iyagoo ku baaqay in baaritaan caalami ah oo madax banaan lagu sameeyo xadgudubyadda xuquuqdooda oo ey ku jiraan waayitaan qasab ah iyo jirdil iyagoo ku baaqay in la sameeyo dadaaladda ugu badan ee lagu soo qabanaayo kuwa masuulka ka ah si loo horgeeyo Maxkamadaha caalamiga ah loona hubiyo ineysan ka baxsan Ciqaabta ey mudan yihiin. Gudiga ayaa ku Nuuxnuuuxsaday baahidda loo qabo in la baabi’iyo xukuanadda dilka ah ey soosaaraan Maxkamadaha aan sharciga ahyn,isla markaane si deg deg ah loo sii daayo dhammaan dadka la afduubtay,lana joojiyo falalka afduubka ah ee aan sharciga aheyn.
ISHA/AA.
MARAYKANKA OO QALAB MILETERI KA IIBINAAYO SACUUDIGA.
(SAWIRKA)-MARAYKANKA IYO SACUUDIGA.
(USA)-Dawladda Maraykanka ayaa ogolaatay in dalka Boqortooyadda Sacuudiga uu ka iibiyo Qalab Mileteri uu qiimihiisu dhan yahay $2.8-bilyan,iyadoo dawladda Maraykanka ey sii wado adeegeeda mid ka mid ah hubka ugu muhiimsan boqortooyadda. War qoraal ah ey soo saartay Wasaaradda Arrimaha Dibadda Maraykanka ayey ku dhawaaqday shalay iib weyn oo suurtagal ah iney hagaajin doonto awooda boqortooyadda Sacuudiga si ey uga hortagto khataraha hadda iyo mustaqbalka iyadoo la siinaayo joogteynta iyo taageeradda tababarka ee Ciidamadda Cirka ee Boqortooyadda ee hadda jira ee diyaaradaha iyo maraakiibta.
ISHA/MEMO.
TURKIGA OO DIIDAN INUU CIIDAMO U DIRO GAZA,SABABTA?
(SAWIRKA)-CIIDAMADDA DALKA TURKIGA.
(ANKARA)-Dalka Iustaga Imaaraatka Carabta(UAE) ayaa si rasmi ah u soo jeediyey in ciidan caalami ah loo diro Marinka Gaza todobaadkii hore si ey u ilaaliyaan sharciga iyo kala dambaynta hoos timaado maamulka Falastiiniyiinta(PA) ka dib markii xabad joojin laga gaaro degaanadda uu aafeeyey dagaalka. Lana Nusseineh oo ah kaaliyaha Wasiirka Arrimaha Siyaasadda ee dalka Isutaga Imaaraatka Carabta ayaa ku qortay qoraal ra’ayi ah oo lagu daabacay Wargayska Finanacial Times in “Hawlgalka Caalamiga ah oo ku meel gaarka ah”uu wax ka qaban karo dhibaatada bani’adanimo oo uu aasaas u noqon karo dawladnimada,taaso u gogol xaareyso in dib loo mideeyo Marinka Gaza iyo Daanta Galbeed ee la haysto”. Lana ayaa tilmaantay in dalka Isutaga Imaaraatka Carabta uu doonaayo inuu ciidamo geeyo Marinka Gaza. Hindisahaan waxa uu soo baxay ka hor kulan la sheegay inuu magaaladda Abu Dabai uu khamiistii hore ku dhexmaray dalalka Maraykanka,Israa’iil iyo dalka Isutaga Imaaraatka Carabta kaaso lagaga wada hadlay mustaqbalka Marinka Gaza dagaalka ka dib iyo keenista ciidamadaan.
ISHA/MEE.
BANAANBAX XOOGAN OO MAANTA KA DHACAY WASHINGTON DC.
(SAWIRKA)-BANAANBAX KA DHACAY CAPITAL HILL DC.
(WASHINGTON)-Iyadoo kumanaan Mudaaharaadayaal ahi ey joogeen banaanka dhismaha Capital-ka ee dalka Maraykanka oo ey horfadhiyaan qol faaruq ah. Reysal Wasaaraha Israa’iil Benjamiin Netanyahu ayaa ka hadlay fadhi wadajir ah ee Koongareeska Maraykanka,hadalka Netanyahu ayaa socday muddo saacad ku dhaw waxa uuna ku baaqay Netanyahu in dawladda Maraykanka iney taageero dheeraad ah ey siiso Israa’iil si ey ugu guulaysato dagaalka ey kula jirto Xarakadda Xamaas ee ka socdo Marinka Gaza. Reysal Wasaare Netanyahu ayaa isku dayey inuu khudbadiisa u adeegsado inuu dib u cadeeyo hogaankiisa Israa’iil,halka codbixinta ey muujinayso in ka badan 70% ey doonayaan in Netanyahu iscasilo,gudaha Maraykankane waxaa ka socdo ololihii doorashooyinka ee Madaxweyne oo cajiib ah kaaso soo jiitay dadweynaha Maraykanka,waxa uuna hareeyey booqashadda hogaamiyaha Israa’iil Netanyahu ee dhalisay muranka. Khudbadda Netanyahu ayaa dhacday xilli xaasaasi ah oo laga wada xaajooday la haystayaasha Gaza iyo heshiiska xabad joojinta,laakinse Reysal Wasaare Netanyahu ayaa si dirqi uga hadlay arrinta la haystayaasha. Wax yar ka hor hadalka Reysal Wasaare Netanyahu, Xafiiska Netanyahu wuxuu qirtay in Reysal Wasaaruhu baajiyey safarkii la qorsheeyey ee wada xaajoodayaasha Israa’iil ee dalka Qadar Khamiista berri ah,isagoo ku andacoonaayo Netanyahu inuu doonaayey inuu la kulmo Madaxweynaha Maraykanka Joe Biden ka hor inta wafdiga Israa’iil uusn tegin Caasimadda Dooxa ee dalka Qadar.
ISHA/AXIOS.
MARAYKANKA,ISRAA’IIL IYO ISUTAGA IMAARAATKA CARABTA OO SI QARSOODI AH...
(SAWIRKA)-c/LAAHI BIN ZAYED.
(ABU DABAI)-Wararka laga heaayo dalka Isutaga Imaaraatka Carabta ayaa sheegaayo in Israa’iil.Maraykanka iyo Isutaga Imaaraatka Carabta ey shir Qarsoodi ah ey ku yeesheen Abu Dabai khamiistii hore,si ey uga wdahadlaan qorshaha Marinka Gaza dagaalka ka dib,sida lagu sheegay warbixin la soo daabacay maanta oo Talaada ah. Sida lagu sheegay warbixinta Wargayska AXIOS oo soo xiganeysay laba sarkaal oo Israa’iil ah,wada hadaladda waxaa martigelisay Wasiirka Arrimaha Dibadda Isutaga Imaaraatka Carabta C/laahi Bin Zeyd,waxaane goobjoog ka ahaay Wasiirka Istaraatiijiyadda Israa’iil Ron Dermer,Ergayga Madaxweynaha Maraykanka Joe Biden ee Mena Bret McGurk iyo la taliyaha Wasaaradda Arrimaha Dibadda Maraykanka Tom Sullivan. Wargayska AXIOS ayaa ku waramay in maalin ka hor ey kulmeen saraakiil Maraykan ah,Imaaratka iyo Israa’iil,sarkaal sare oo ka tirsan Imaaraatka ayaa tilmaamay in Abu Dabai ey dooneyso iney ciidamo ku biiriso Ciidamadda Nabad Ilaalinta ee Marinka Gaza. Tani waxay Imaaraatka ka dhigaysaa wadankii ugu horeeyey ee Carbeed ee si cad u taageera Qorshaha uu Madaxweyne Biden uu si qarsoodi ah ugu olololeynaayo.
ISHA/NA.
MAGAALADDA CADAN OO DADKA LA ISKA AFDUUBTO.
(SAWIRKA)-BARE AL-SUBXI.
(YEMAN)- Maxkamadda Darajadda Koowaad ee Sira’a ayaa soo saartay go’aan ey ku sii deyneyso Bare Muxamed Xasan AL-Quba’a AL-Subeyxi,shan sano ka dib markii ey afduubeen oo ey xoog ku wateen ciidamadda Golaha ku meel gaarka ah ee ka dhisan Koonfurta dalka Yeman. Ila wareedyo ka tirsan Hayaddaha u doodo Xuquuqul Insaanka ayaa warbaahinta maxaliga ah u sheegay in Bare AL-Subeyxi lagu soo Oogay dacwad fadhigii ey Maxkamadda yeelatay shalay oo Isniin ahayd iyadoo Maxkamadu xustay in Bare AL-Subeyxi la sii deyn doono maalmaha soo socdo ka dib markii uu soo dhammaystirto nidaamka sharciga ah ee loo baahan yahay. Wararka ayaa intaas ku deraayo in Bare AL-Subeyxi uu muddo sannado ah la qarinaayey iyadoo galkiisa loo gudbiyey Maxkamadda ka dib markii ey soo dhexgaleen shaqsiyaad dhexdhexaadin ka dhex weday Golaha ku meel gaarka ah iyo eheladda Bare AL-Subeyxi,waxa uuna xukunku yimid shan sano ka dib markii lagu soo eedeeyey falal Xaasidnimo ah. Dabayaaqadii sannadkii 2019-kii Bare AL-Subeyxi ayaa laga afduubay gurigiisa oo ku yaalo magaaladda Sabri’i ee Gobolka Laxji ee dalka Yeman halkaaso loo gudbiyey xabsi Qarsoodi ah oo ku yaalo magaaladda Cadan si qasab ahne loogu haayey meel aan la aqoon ilaa maanta. Ciidamadda Golaha ku meel gaarka ah ee uu taageero dalka Isutaga Imaaraatka Carabta ayaa sii wado iney si qasab ah u qafaashaan tobanaan mawaadiniin ah muddo sanada ah eyna ka mid yihiin dad ka tirsan bulshada,Ciidanka,Aqoonyahano macallimiin iyo kuwa u dhaqdhaqaaqa Xuquuqda dadka,inkasta oo ey soo noqnoqdeen dalabyadda Xuquuqul Insaanka si loo xaqiijiyo Masiirkooda halka uu ku dambeeyey.
ISHA/MO.
MARAYKANKA OO DIL LOOGU GAYSTAY NIN ASKERI AH OO..
(SAWIRKA)-MAXAMED SICIID BAJILI.
(MICHIGAN)-Waxaa sii kordhaya rabshadaha ka dhanka ah Muhaajiriinta Yemaniyiinta ah ee ku sugan dalka Maraykanka,askeri Maraykan ah oo asalkiisu yahay Yaman ayaa la dilay xilli uu hawshiisa shaqo ku guda jiray magaaladda Dearbon,Melvindale ee Gobolka Mishigan ee dalka Maraykanka. Booliska dalka Maraykanka ayaa xaqiijiyey dilka sarkaalka Muxamed Saciid AL-Bajili,kaaso uu toogtay nin hubaysan oo lagu magacaabo Micheal Lopez oo 44-jir ah balse haysta dhalashada dalka Isbeyn,isagoo xusay in dembiilaha dilka gaystay uu xirnaay surwaal gaaban oo madaw oo aan shaar lahayn,islamarkaasne uu lahaa Tattos iyo Ger weyn,markii ugu dambeysay ee la arkayne waxa uu watay Bushkaleeti cagaaran. Booliska ayaa faafiyey sawirka Dembiilaha,waxayna ku tilmaameen inuu ahaa nin hubaysan oo halis ah,waxayna shacabka ka codsadeen iney maamulka ku soo wargeliyaan wixii macluumaad ah ee gacan ka gaysan kara soo qabashada ninkaas. Dhacdadaan ayaa dhacday markii sarkaalka la dilay(Bajili) uu eryanaayey ninka hubaysan ee Lopez,kaaso toogtay sarkaalka oo isla markiiba dilay ka hor inta uusan goobta ka baxsan. Sarkaalka lagu magacaabo Muxamed Siciid AL-Bajili ayaa ka tirsan degaanka AL-Rabiicateyn ee degmada Jaban ee Gobolka Daalac ee Koonfurta dalka Yeman. Sannadihii ugu dambeeyey waxaa sii kordhaayey tirada dhibaneyaasha Yemaniyiinta ah ee loo gaysanaayo dilalka kuwaaso ku sugan dalka Maraykanka,iyadoo ey ku soo noqnoqdeen magaalooyin kala duwan oo Maraykanka ah dhacdooyinka dilka ah iyo dhaca hubaysan ee loo gaysto Goobahooda Ganacsiga.
ISHA/MO.
DALKA IMAARAATKA OO XUKUNO KALA DUWAN KU RIDAY..
(SAWIRKA)-DALKA ISUTAGA IMAARAATKA CARABTA.
(ABU DABAI)-Maxkamad ku taal dalka Isutaga Imaaraatka Carabta ayaa tobanaan qofood oo u dhalatay dalka Bangaaladeesh ku xukuntay xabsi daa’in ah kuwaaso ey ku jiraan seddex qofood oo lagu eedeeyey mudaaharaadyo lagaga soo horjeedo dawladooda oo ka socdo wadanka Khaliijka,sida ey sheegtay warbaahinta Dawaadda Isutaga Imaaraatka Carabta maanta oo Isniin ah. Maxkamadda Racfaanka Federaalka ee Abu Dabai ayaa Axadii shalay ku xukuntay 10-sano oo xarig ah 53-mawaadin oo Bangaaladeesh ah iyo 11-sano oo xarig ah oo lagu xukumay mawaadiniin Bangaaladeesh ah,marka lagu daro seddex Xabsi daa’inka ah,sida ey sheegtay Wakaaladda Wararka u faafiso dalka Isutaga Imaaraatka Carabta ee WAM,Maxkamdu waxa ey amartay in dadka u dhashay Bangaaladeesh laga musaafuriyo dalka Isutaga Imaaraatka Carabta ka dib marka ey dhammaystaan Xabsiga. “Maxkamdu waxay dhegeysatay marqaati xaqiijinaayo in eedeysanayaashu ey soo ururiyeen oo ey abaabuleen socod balaaran oo ey ka dhigeen dhawr waddo oo Imaaraatka ah,kuwaas ey kaga soo horjeedeen go’aamo ey gaartay dawladda Bangaaladesh”ayaa lagu yiri warbixinta WAM. Sabtidii masuuliyiin Imaaraati ah ayaa amar ku bixiyey in baaritaan lagu sameeyo iyo in la dejdejiyo Maxkamadeynta Mawaadiniin bangalades ee la xiray.
ISHA/NA.
ISRAA’IIL OO MAR KALE BARAKICINEYSA..
(SAWIRKA)-KHAAN YOONIS OO LAGA QAXAY MAR KALE.
(GAZA)-Ugu yaraan 70-falastiiniyiin ah ayaa lagu dilay in ka badan 200-kalane waa lagu dhaawacay weeraro balaaran oo ka dhacay Bariga Khaan Yoonis maanta oo Isniin ah,ka dib markii ey Israa’iil amartay in laga guuro Aagaas. Wasaaradda Caafimaad ee Marinka Gaza ayaa sheegtay in Xarunta Caafimaad ee Naasir ee u dhaw ey heshay meydadka 70-qofood iyo 200-qofood oo dhaawac ah,khaasarahaan ayaa ka dhashay weeraro dhacay subaxnimadii saakay oo dhan,waxaane isbitaaladda la geeyey dad fara badan. Falastiiniyiinta ku nool Bariga Khaan Yoonis ayaa lagu qasbay iney ka guuraan una guuraan Galbeedka AL-Mawasi iyadoo la raacaayo amaradda cusub ee ciidamadda Israa’iil kuwaaso sii yareynaya “Goobaha Bani’adanimada”ee AL-Mawasi oo ey si is daba joog ah u bartilmaameedsanayaan ciidamadda Israa’iil uuna ka mid yahay weerarkii cuslaay ee dhacay horaanti bishaan Luuliyo kaaso ey ku dhinteen ilaa 71-qofood. Saxafiyiinta Maxaliga ah ayaa soo sheegay in madaafiicda goobta lagu garaacay daqiiqadood yar ka dib markii la soo saaray amarada cusub,taaso keentay in dadku ey waqti yar u helaan iney si nabad ah uga guuraan.
ISHA/NA.
XUUTIYIINTA OO G/CAMRAAN KU DILAY WIIL…
(SAWIRKA)-WIILKA LA DILAY.
(YEMAN)-Ila wareedyo Maxali ah ayaa sheegay in wiil dhallinyara ah oo lagu magacaabi jiray Naaji Xaasil Dhaawi oo ku shaqeysanaayey gaadiid uu ka masruufo qoyskiisa ey toogteen koox hubeysan oo Xuutiyiin ah kuwaaso fariisin ku leh halka loo yaqaano Xawaari taaso isku xirta degmada Xuut iyo Xarfi Sufyaan ee Goblka Camraan. Warka ayaan intaa ku deraayo in wiilkan dhallinyarada ah ee lagu magacaabi jiray Dhaawi uu ka soo jeedo degaanka Sufyaan waxaane la toogtay xilli uu maraayey isaga oo wata gaarigiisa bar koontarool taaso sababtay in la dilo. Ilo wareedka ayaa xaqiijiyey Maleeshiyaadka Xuutiyiinta iney diideen in Meydkiisa lagu wareejiyo qoyskiisa iyadoo aan la ogayn sababta ka dambeysa falkaas ey gaysteen Maleeshiyaadka Xuutiyiinta. Dhacdadaan ayaa ku soo aadeyso laba maalmood ka dib markii ey Maleeshiyaadka Xuutiyiinta ey gudaha u galeen Masjid ku yaalo degmada Suweyr oo iyadana ka tirsan G/Camraan,halkaas ey gaysteen xasuuq ey ku naf waayeen in ka badan 15-qofood oo ey ku jiraan Caruur iyo Dumar.
ISHA/MO.
QAREEN LAGU DILAY CAASIMADDA SANCA-YEMAN.
(SAWIRAK)-QAREEN NABIIL AL-MUREYSI.
(SANA’A-YEMAN)-Wararka ka imanaayo dalka Yeman ayaa sheegaayo in Qareen Nabiil AL-Mureysi lagu dilay rasaas uu soo riday qof hubaysan xilli uu ku soo laabnaayey gurigiisa oo ku yaalo wadada Khawlaan ee Koonfurta Caasimadda Sanca ee dalka Yeman. Ilo wareedyo ka ag dhawaa goobta ey wax ka dheceen ayaa sheegay in fal dembiyeedka uu ka dhacay meel u dhaw bar koontarool ey joogaan ciidamo ka tirsan Xuutiyiinta oo ku dhegan Saldhiga Booliska ee AL-Macmari iyadoo aan la ogayn sababtii keentay falkaan dilka ah. Wararka ayaa sheegaayo in Eedeysanaha dilka gaystay uu ka soo jeedo Goblka AL-Beyda halka Qareenka la dilay Nabiil AL-Mureysi uu ka soo jeedo degaanka Mureysi ee dhaca waqooyiga degmada Qacdhaba ee Gobolka AL-Daalic. Websaaydyada Warbaahinta Amniga ee taabacsan Xuutiyiinta ee magaaladda caasimadda ah ee Sanca ayaan wax tafaasiil ah ka soo saarin dhacdadaan in kastoo ey ka soo wareegtay saacado badan waqtigii ey dhacday. Dhacdadaan ayaa imaaneyso maalmo ka dib markii nin aqoonyahan ah iyo walaalkiis lagu dilay afafka hore ee Maxkamadda Koonfurta caasimadda Sanca. Inta badan dilalka Qorsheysan ee ka dhaca dalka Yeman gaar ahaan caasimadda Sanca ayaa salka ku haayo Aano Qabiil,dawladduna eysan waxba ka qaban karin waayo shacabka reer Yeman ayaa ah kuwa wada hubeysa yar iyo Weynba.
ISHA/MO.
XUUTIYIINTA OO QAFAAL KA WADA GUDAHA GOBOLKA CAMRAAN.
(SAWIRKA)-DHAAWACII SOO GAARAY SHAWQI.
(CAMRAAN-YEMAN)-Dhacda aad u xanuun badan ayaa waxa ey ka dhacday degmada Suweyr ee Gobolka Camraan ee dalka Yeman,dhacdadaan ayaa waxa dhaawac halis ah uu ka soo gaaray Canug toban sano jir ah oo lagu magacaabo SHAWQI YAXYE CAAYID ABU SICIID,xilli uu la joogay Aabihiis oo Salaadii Jimcaha ku soo dukaday Masaajidka Tuuladda ey degan yihiin ee AL-MANJAR. Markii ey dhammataay Salaadii Jimcaha ayaa waxaa gudaha Masjidka soo galay tiro ka tirsan Maleeshiyaadka Xuutiyiint kuwaaso isku dayey iney qafaashaan mawaadin lagu magacaabo”XAAMUD XAAMUD ABU SICIID”,waxayne arrintu noqotay mid gudaha Masjidka rasaas ey isku weydaarsadaan Xaamud iyo maleeshiyaadkii Xuutiyiinta. Aabaha dhalay Shawqi ayaa isku dayey inuu goobta kala baxsado wiilkiisa laakinse mid ka mid ah Maleeshiyaadka Xuutiyiinta ayaa Bam gacmeed ku tuuray Gudaha Masjidka taaso keentay iney Aabaha iyo wiilkiisa ey ku dhaawacmaan firirka Bam gacmeed lagu tuuray gudaha Masjidka. Muuqaalo soo noqnoqday oo dhiig badan ah ayaa lagu arkaayey gudaha Masjidka,waxaane loo maleynayaa in dhiigaas uu yahay mid ka yimid Aabaha iyo wiilkiisa dhaawacmay oo siku dhex darsamay,waxay dhacdadaan cadeyneysaa heerka ey gaarsiisan tahay fal dembiyeedyadda iyo tacadiyadda ey Maleeshiyaadka Xuutiyiinta kula kacaan mawaadiniinta ku dhaqan degaanadda ey maamulaan. Sawiro Muujinaayo dhaawaca soo gaaray qeybo ka mid ah jirka canuga yar(Shawqi) kuwaaso lagu daaweynaayo Isbitaal ku yaalo G/Camraan.
ISHA/MO.
XUUTIYIINTA YEMAN OO SHEEGAY IN LA DILAY LABA RUUX LANA DHAAWCAY 80-KALE.
(SAWIRKA)-MUUQAALKII UGU DAMBEEYEY EE LAGA SOO QAADAY DEKEDDA XUDEYDA.
(SANA’A-YEMAN)-Maanta oo Sabti ah,Israa’iil ayaa markii ugu horeysay waxa ey weerar dhinaca cirka ah ku qaaday kooxda Xuutiyiinta dalka Yeman kaaso jawaab u ah weerarkii Xuutiyiinta ey Israa’iil ku qaadeen Khamiistii ina soo dhaaftay eyna ku dhinteen hal qof eyna ku dhaawacmeen ilaa sideed kale,weerarka dhacay maanta ayaa waxaa ka qeyb qaatay ilaa 12-diyaaradood oo kuwa dagaalka ah laguna sameeyey dalka Maraykanka nuucooduna uu yahay F-15 iyo F-16,lama yaqaan ilaa hadda goobta ey diyaaradahaan ka soo duuleen waayo Israa’iil iyo Yeman waxa ey isu jiraan masaafo aad u dheer oo dhan ilaa kun Maayl,weerarka ayaa lala beegsaday dekadda ku taalo magaala Xeebeedka Xudeyda ee dhacda Galbeelka dalka Yeman. Ugu yaraan laba qofood ayaa ku dhimatay waxaane ku dhaawacntay ilaa 80-kale duqeymihii maanta ey diyaaradaha Israa’iil la beegsadeen dekadda Xudeyda. “dembiyadda cadawga Israa’iil ey ku bartimaameedsanayaan Gobolka Xudeyda ayaa waxaa lagu dilay laba ruux,waxaane lagu dhaawacau 80-kale kuwaaso intooda badan ey gubteen”Wasaaradda Caafimaadka Xuutiyiinta ayaa sheegtay sidaas,waxaane lagu daabacay bogga Wakaaladda Wararka Yeman ee SABA qeybta ey maamulaan Xuutiyiinta.
ISHA/AA.
CANUG HOOYADIIS DHIMATAY OO LA SOO BADBAADIYEY.
(SAWIRKA)-MAALIK YAASIIN.
(GAZA)-Isbitaal ku yaalo Marinka Gaza ayaa sheegay maanta oo Sabti ah inuu ilmo yar ka badbaadiyey Caloosha Hooyadiis ka dib markii ey hooyadiis u dhimatay dhaawac ka soo gaaray duqeyn dhinaca cirka ah ey gaysteen ciidamadda difaac Israa’iil. Cula’a Cadnaan Xarb AL-Kurd oo lahayd Uur sagaal bilood ah ayaa si dirqi ah uga badbaaday habeen ciqaab ah oo lagu garaacayey gentaalo ayey samafalayaashu u carareen dhulka ey maamusho Xamaas halkaaso lagu xasuuqay dad ka badan 24-qofood eyna ku jiraan lix qofood oo isku hal qoys ah. Laakin markii Kurd ey gaartay Isbitaalka AL-Cawda waa ey geeriyootay,sida uu sheegay Takhtarka Qaliinka ee Isbitaalka AL-Cawda Dr. Akram Xuseen. Takhaatiirta Isbitaalka AL-Cawda kuma eysan guuleysan iney badbaadiyaan hooyadda leh Uurka sagaalka bilood balse waxa ey sameeyeen Ultra-Sound-ka lagu ogaado garaac Wadnaha ilmaha ku jira Urrka Hooyadiis. Takhaatiirtu waxay si deg deg ah u sameeyeen Qaliin deg deg ah oo dhinaca dhalmada ah “Waxayna ka soo saareen Uurjiifkii”,ayuu Takhtarku u sheegay Saxafiyiinta. Ilmaha ayaa markii hore ku jiray xaalad halis ah,laakin ka dib markii uu helay Oksijiin iyo daryeel caafimaad xaaladiisu wey soo hagaagtay”ayuu yiri Dr.Raa’id AL-Sacudi oo ah Madaxa qeybta dhalmada iyo haweenka ee Isbitaalka. Waxaa la geliyey qalabka ilamaha la geliyo marka eysan si caadi ah u dhallan,waxaane loo gudbiyey Isbitaal AL-Aqsa’a ee ku yaalo Diir AL-Balax. Hooyo Kurd ayaa ka mid ahayd seddex dumar ah iyo ilmo oo ku dhintay gentaal ey Israa’iil ku soo riday Xeradda Qaxootiga ee Nuseyraat ee bartamaha Marinka Gaza,sida uu sheegay sarkaal caafimaad oo ka tirsan Isbitaalka AL-Cawda,ninkeeda ayaa sidoo kale ku dhaawacmay weerarka dhinaca cirka ee Israa’iil. Marinka Gaza ayaan lahayn adeegyada caafimaadka ey baahan yihiin dadka reer Falastiin sababo la xiriiro weeraradda joogtada ah ee diyaaradaha Israa’iil,waxaane jirto dhibaato haysata hooyooyinka dhulka Falastiin taaso ah dhalmada aan waqtigeeda la gaarin,waxaane jiro cuduro ey ka mid yihiin Suuxdin ku dhacda waqtiga ey hooyada Uurka leedahay(eclampsia) iyo bukashadda qeybaha difaac jirka hooyadda kaaso sababi kara dhimashadda hooyadda. Cunuga la soo badbaadiyey ayaa loo bixiyey magaca ah”Malik Yaasiin”
ISHA/GULF.
ISRAA’IIL OO MARKII UGU HOREYSAY WEERARTAY YEMAN.
(SAWIRKA)DEKEDDA XUDEYDAH EE DALKA YEMAN.
(YEMAN)-Diyaaradaha dagaalka Israa’iil ayaa maanta oo Sabti ah duqeyn dhinaca cirka ah ka fuliyey dalka Yeman iyagoo uga aargudanaayo weerarkii diyaaradaha aan duuliyaha lahayn ey Xuutiyiinta Yeman ku qaadeen magaaladda Tel Aviv khamiistii la soo dhaafay,sida ey sheegeen saraakiil Maraykan iyo Israa’iil ah. Waa markii ugu horeysay oo Israa’iil ey si toos ah u weerarto Yeman oo ah wadan in ka badan kun Meyl u jira Israa’iil. Xuutiyiinta oo ah koox Islaami ah oo taageero ka helaayo dalka Iraan ayaa dhibaato iyo weeraro ku haayo Maraakiibta Ganacsiga ee maraysa Badda Cas muddo bilo ah iyagoo ka jawaabaayo dagaalka Israa’iil ey ka wado Marinka Gaza. Saraakiisha Xuutiyiinta dalka Yeman ayaa sheegay in Duqeynta Israa’iil ey ku garaacday Xarumo shidaal oo ku yaalo dekedda Xudeydah oo ey maamulaan Xuutiyiinta. Telefishanka laga leeyahay dalka Boqortooyadda Sacuudiga ee AL-Carabiya Barnaamijkiisa AL-Xadath ayaa sheegay in seddex qofood ey ku dhinteen 15-kalane ey ku dhaawacmeen weerarka Israa’iil ee magaala Xeebeedka Xudeydah. Sida uu sheegay afhayeenka Xuutiyiinta dalka Yeman Yaxye AL-Sariic, Israa’iil ayaa weerarkeeda waxa ey u isticmaashay ilaa 13-diyaaradood oo kala ah F15 iyo F16,kuwaaso weerarkooda la beegsaday dekedda Xudeyda ee Galbeedka dalka Yeman. NALA SOCO WIXII KA SOO KORDHO.
ISHA/AXIOS.
MAXKAMADDA ICJ OO KU DHEGAN ISRAA’IIL.
(SAWIRKA)- MAXKAMADDA CAALAMIGA AH EE CADAALADDA.
(HAGUE)-Maxkamadda Sare ee Qaramadda Midoobe ayaa sheegtay in degaameynta Israa’iil ee dhulka la haysto ee Falastiin ey tahay sharci darro,dhammaan dawladuhu waa iney iska kaashadaan sidii loo soo afjari lahaay dagaalka Israa’iil ee Marinka Gaza,fikrad talobixin oo muhiim ah oo la soo saaray maanta oo Jimca ah.Natiijooyinka ey soo saareen garsoorayaasha Maxkamadda Caalamiga ah ee Cadaaladda(ICJ) ee loo yaqaano Maxkamadda adduunka,ma aha mid adag laakinse waxa ey xambaarsan yihiin miisaan marka loo fiiriyo sharciga Caalamiga ah waxayna wiiqi kartaa taageeradda Israa’iil. “Degsiimooyinka Israa’iil ee Daanta Galbeed iyo Bariga Qudus,iyo maamulka la xiriiro iyaga,waa la aasaasay,waxaane lagu hayaa waxyaabo xadgudub ku ah shuruucda Caalamiga ah”ayuu yiri Madaxweyne Nawaaf Salaam oo akhrinaayey Natiijadda gudi garsoor oo ka kooban 15. Ra’ayiga ayaa sheegay in Israa’iil ey tahay iney bixiso magdhawga Falastiiniyiinta uu khasaaraha ka soo gaaray qabsashada dhulkooda. Waxaa kaloo ey ogaatay in Golaha Amaanka ee Qaramada Midoobe,Golaha loo dhan yahay iyo dhammaan dawladdaha ey waajib ku tahay in aaney u aqoonsan qabsashadiisa mid sharci ah oo aaney bixin gargaar ama taageero sidii loo sii wadi lahaay.
ISHA/NA.
MARKAB SHIDAAL SIDAY OO KU QALIBMAY XEEBAHA DALKA CUMAAN.
(SAWIRKA)-MARKABKA PRESTIGE FALCON.
(CUMAAN)-Wararka ka imaanayo dalka Cumaan ayaa sheegaayo in kooxaha baadigoobka iyo samatabixinta ayaa soo badbaadiyey sagaal badmaax,waxaane la helay meydka mid ka mid ah 16-qofood oo la la’aa tan iyo maalintii Isniinta ka dib markii uu la qalibnay Markab shidaal oo maraayey Xeebaha dalka Cumaan kaaso ku sii jeeday dekedda magaaladda Cadan ee koonfurta dalka Yeman. Xarunta Amaanka Badaha Cumaan ayaa sheegtay Arbacada maanta ah in hawlgaladda baadigoobka iyo samatabixinta ey si guul leh u horseedeen badbaadinta sagaal ka mid ah shaqaalah Markabka(Prestige Falcon),oo ku qalibmay Xeebaha Cumaan Isniintii,iyadoo intaas ku dartay in kooxuhu “Heleen meydka hal qof oo shaqaalaha ah”. Markabkaan oo lagu magacaabo Prestige Falcon ayaa dhirirkiisu dhan yahay 117-Mitir wuxuuna ku sii jeeday dekedda magaaladda Cadan ee dalka Yeman,iyadoo ey la socdaan 13-Hindi ah iyo seddex u dhalatay dalka Sri Lanka markii uu ku degtay Xeebaha dalka Cumaan. Afhayeen u hadlay Ciidamadda Badda Hindiya oo ka qeybqaadanaayo hawlgalka baadigoobka iyo samatabixinta ayaa sheegay in “sideed qof oo Hindi ah iyo Sri Lanki la soo badbaadiyey ilaa hadda”,isagoo intaas ku daray “Hawlgallada raadinta ayaa ku dhacay xaaladdo cimilo oo adag iyadoo ey jiraan mawjado culus oo xoogan ee dabaylaha”.sidaas waxaa sheegtay Wakaaladda Wararka ee Reuters. Shirkadda Korontada ee magaaladda Cadan ayaa horay u beenisay in Markabka shidaalka ee badda ku qalibmay uu shixnad Nafta ah u siday Saldhigyadeeda,waxayna tiri”Shixnadda shidaalka ah ee lagu qiyaasay Shanta kun waxaa iska leh Ganacsato,waane mid khuseyso Suuqa Ganacsiga Shidaalka,mana la laha wax xiriir ah shidaalka Korontada”.
ISHA/MO.
YEMAN: WIIL AABIHIIS KU DILAY BURIS.
(SAWIRKA)-AABAHA LA DILAY.
(XUDEYDA-YEMAN)-Dalka Yeman waxa uu ka mid yahay wadamadda uu saameyey kacdoonkii ka dhanka ahaay qaar ka mid hogaamiyeyaasha dalalka Carabta, Yeman oo horay u kala qeybsaneed laba dal (Koonfur iyo Waqooyi) ayaa midawday sannadii 1990-kii waxa eyn noqdeen hal dal oo la yiraahdo Jamhuuriyadda Yeman eyna caasimad u tahay magaaladda Sanca ee ku taalo Waqooyi dalka Yeman halka Cadan oo ku taalo Koonfurta ey tahay caasimadda Ganacsiga dalka Yeman. Dalka Yeman ayaa hadda waxaa ka jiro laba xukuumadood oo mid ka mid ah caalamku aqoonsan yahay taaso fadhigeedu yahay Cadan halka tan kale uu fadhigeedu yahay Sanca waane mid ey hogaamiyaan kooxda Xuutiyiinta ee gacan saarka la leh dalka Iraan. Gobolka Xudeyda ee dhaca Galbeedka dalka Yeman eyna Xuutiyinta gacanta ku hayaan ayaa waxaa ka dhacay fal dembiyeed arxan darri ah kaaso gilgilay bulshada yemaniyiinta ah ee halkaasi ku nool,iyadoo dhawaan wiil dhallinyara ah la xiray kaaso lagu magacaabo Waxiid Mawluud Xayaak oo 25-jir ah kaaso dilay Aabihiis Mawluud Hayak. Fal dembiyeedkan ayaa dhacay dhawr maalmood ka dib markii uu ninkaan falka gastay uu ka soo laabtay Maleeshiyaadka Xuutiyiinta ee ka dagaalanta Degmada Zabiid.
ISHA/MA.
4-PAKISTANIYIIN AH OO KU DHINTAY WEERAR KA DHACAY
(SAWIRKA)DADKII KU DHAAWACMAY WEERARKII MASAAJIDKA.
(OMAN)-Wararka laga helaayo dalka Saldanada Cumaan ayaa sheegaayo afar Pakistaniyiin ah ayaa lagu dilay halka tiro kalane lagu dhaawacay toogasho ka dhacday meel u dhaw Masaajid Shiicadu leedahay oo ku yaalo caasimadda Cumaan ee Masqad sida ey saraakiishu sheegeen Talaadada maanta ah,weerarkaan ayaa ka dhacay Saldanadda Cunaam ey yar tahay iney weeraro sidaan ah ka dhacaan. Booliska ayaa sheegay in tirada guud ee dhimashadda ey maanta gaartay lix qofood iyagoo intaas ku daray in sidoo kale la dilay seddexdii qofood ee fuliyey weerarka. Toogashadda dhacday Isniintii shalay ayaa sababtay dhimasho shan aqof ah,shahiid hal askeri oo boolis ah,iyadoo ugu yaraan 28-Qof oo kale ey ku dhaawacmeen,sidaas waxa abayaan uu soo saaray ku sheegay boolisk dalka Cumaan.
ISHA/DAWAN.