SAWIR QAADE KA TIRSAN ALSHABAAB OO LA SOO QABTAY.
(SAWIRKA)-KGS OO SOO QABATAY DHAGAR QABE KA MID AH WARBAHINTA ALSHABAAB.
(BAYDHABO)-Wararka ka imaanaya Degmada Waajid ayaa sheegay in ciidamada Maamulka Koonfur Galbeed Soomaaliya ey ka hor tageen weerar ey Koox ka tirsan AL-shabaab ku qaadeen fariisin Ciidamada Maamulka Koonfur Galbeed ey ku leeyihiin degmada Waajid ee Gobolka Bakool. Saraakiisha amaanka ayaa sheegay in dagaal muddo kooban socday uu halkaasi ka dhacay eyna jiraan khasaare ey gaarsiiyeen Kooxdii weerarka soo qaaday iyagoo xusay iney jiraan Dagaalamayaal Kooxda ka tirsan oo gacanta lagu soo dhigay. Sidoo kale saraakiishaan ayaa sheegay iney hub ka furteen Kooxdii AL-shabaab ee weerarka soo qaaday, waxaana la xaqiijiyay in sarkaal muhiim u ahaa Warbaahinta AL-Shabaab, kaasi oo lagu magacaabo C/llaahi Axmed Maxamed oo loo yaqaan (Cabdicasiis) gacanta lagu dhigay Eedeysanaha oo sida la sheegay muuqaal ka duubayay qaabka uu u dhacay weerarka, ayaa waxaa lagu xiray Xabsiga Waajid, halkaasi oo su’aalo lagu weydiinayo, Ciidamada amaanka ayaa sidoo kale gacanta ku dhigay qalabkii uu wax ku duubayay. Sidoo kale, ciidamada ammaanka ee deegaanka ayaa sheegay iney ka war heleen oo ey ka takhaluseen qaraxyo badan oo ey aaseen rag ka tirsan AL-Shabaab, Walxahaan Qarxa ayaa laga helay Agagaarka Garoonka Diyaaradaha Magaalada Waajid iyo Wadada Muhiimka ah ee isku xirta Garoonka Diyaaradaha ee Degmada Waajid.
ISHA-HO.