NAMIBIYA OO YEELAYA MADAXWEYNE DUMAR AH.

(SAWIRKA)-MADAXWEYNAHA CUSUB EE NAMIBIYA.

(WINDHOEK)-Wararka ka imaanayo caasimadda dalka Namibiya ee Windhoek ayaa sheegaayo in Nandi-Ndaitwah, 72, ah loo dhaariyay iney noqoto Haweeneydii ugu horeeysay ee Madaxweyne ka noqota Namibia, oo ah waddan ku yaalla Koonfur-Galbeed ee qarka u saaran inuu kor u kaco shidaalka iyo gaasta dalkasi laga soo saaro. Nandi-Ndaitwah ayaa ka mid noqotay Hogaamiyayaasha fara ku tiriska ah ee Hogaamiya Haweenka ah ee Qaarada Afrika, ka dib xaflad maalintii jimcaha ee shalay ahayd oo ey ka soo qayb galeen Madax ka kala socotay qaar ka mid ah wadamada Afrika sida Angola, South Africa iyo Tanzania. Hoggaamiyaha xilka ka degaya Mbumba ayaa xilka ku wareejiyay Nandi-Ndaitwah xaflad lagu soo beegay 35-aad ee maalinta xorriyadda dalka Namibiya. Khudbadii furitaanka, Nandi-Ndaitwah waxay ku qiratay doorashadeeda taariikhiga ah, laakiin waxay sidoo kale sheegtay in shacabka Namibiya ey u doorteen karti iyo mudnaanteeda. Waxay intaas ku dartay in dalka uu horumar sameeyay tan iyo markii uu xornimada qaatay, "Waxaa jira waxyaabo badan oo u baahan in la qabto." Horey waxa ey u haysay xilka Madaxweyne ku Xigeenka dalka muddo sanad ah, waxa ey ka mid ahayd Ruug-cadaa ka tirsan Ururka shucuubta Koonfur Galbeed Afrika (SWAPO) ee u horseeday dalkan tirada yar ee qani ku ah Yuraaniyamka inuu xornimada ka qaato Koonfur Afrika sannadkii 1990-kii. Nandi-Ndaitwah waxa ey heshay 58 boqolkiiba codadka doorashooyinkii Noofambar ee qasnaa, kuwaas oo la kordhiyey dhawr jeer ka dib guuldarooyin saadka oo horseeday dib u dhac weyn. Namibyia waxay marqaati ka tahay mid ka mid ah "Gabdhaheeda ugu horeeya oo jabinaysa saqafka muraayadda", Hoggaamiyaha xilka ka degaya Mbumba ayaa yidhi. "Waxay ahayd wakhti dheer." Habeenimadii caleema saarkeeda, Nandi-Ndaitwah waxay sheegtay in wax ka qabashada shaqo la'aanta ey tahay mudnaan. "Shanta sano ee soo socota waa inaan soo saarnaa ugu yaraan 500,000 oo shaqo," ayay u sheegtay Warbaahinta Qaranka Koonfur Afrika ee SABC, iyadoo raacisay iney u baahan tahay maalgashi dhan 85 bilyan oo doolar Namibyia (4.67 bilyan USD). Qeybaha ugu muhiimsan ee shaqo abuurka ayaa ah Beeraha, Kalluumeysiga iyo Warshadaha Hal-abuurka iyo Isboortiga, ayey tiri. Waxay codsatay midnimo ka dib markii ey soo shaacbaxday kala qaybsanaan Siyaasadeed intii lagu guda jiray Doorashada, taas oo Xisbiga Waddani ee Madaxa banaan ee Isbeddelka (IPC), Mucaaradka Dhalinyarada ah, ey doonayeen iney baabi'iyaan tallaabo Maxkamadeed oo ku guuldareysatay. “Waxaan samayn karnaa Siyaasadeena inta lagu jiro ololaha iyo wixii la mid ah laakiin marka ey dhamaato, waa inaan si wadajir ah u dhisnaa Namibiya," ayay tiri.

ISHA-WAKAALADO.