KENYA OO GACANTA KU DHIGTAY RAG DAD TAHRIIBIYEY.
SAWIRKA)-XARUNTA DEMBI BAARSITA KENYA.
(NAIROBI)-Agaasinka dembi baarista (DCI) ayaa ku dhawaaqay in la soo taagayo Maxkamada nin tahriibin jiray dhallinyarada oo kuna lug lahaa tahriibinta wiil 18 jir ah oo la waayay Afar Sano ka hor iyadoo ay jiraan xaalado Qarsoodi ah.
Marxuumka la dilay ayaa xilliga la waayay waxa uu ahaa 14 sano jir, waxaana uu ka mid ahaa arday wax ka baranayay Dugsiga Hoose ee Mandheera DEB. Sida laga soo xigtay Hayadda Dembi Baarista Kenya (DCI), mar dhibbanaha la waayay 2021, waalidkii ayaa si quus ah u raadiyay wiilkooda oo ay ogaadeen in lagu haysto Liibiya. Qoyskan ayaa markaas lagu khasbay inay bixiyaan lacag dhan Ksh2.4 milyan oo Madax Furasho ah oo la siiyey laba qof oo fadhigoodu yahay Soomaaliya si wiilkooda loo sii daayo, balse dadaalladaas la sameeyay, wiilkooda ayaa weli ku jira gacanta. “Markii la waayay waalidkii waxay bilaabeen baadigoob quus ah oo ay ku raadinayaan wiilkooda, cabsidii ugu darnayd ayaa la xaqiijiyay markii ay ogaadeen in Ali Nuur lagu haysto Liibiya, si loo sii daayo, qoysku waxay Madax furasho lacageed oo dhan Ksh2.35 ka siiyeen laba qof,” ayay tiri Hayadda Dembi Baarista Kenya (DCI). "Inkasta oo ay naf-hurnimadooda aad u bateen, haddana dadaalka waalidku waxa uu noqday mid aan waxba tarayn, maadaama wiilkoodu uu weli yahay maxaabiis," ayay raacisay. Afar sano ka dib, 12-kii Maarso, 2025, dhibbanaha ayaa ugu dambeyntii xiriir la sameeyay hooyadiis isagoo ku sugan isbitaal ku yaal Tunisia wuxuuna shaaca ka qaaday in laga toogtay labada lugood. Hayaadda Dembi Baarista Kenya (DCI)-da ma aysan shaacin goobta iyo sababta loo toogtay. Ka dib markii aan la xiriirnay qoyskiisa, waxaa markii dambe la ogaaday in dhibbanaha uu baxsaday, isagoo ay wehliyaan Maxaabiis kale, oo ay ku jiraan laba Kenyan ah oo ka yimid Mandheera, Libya ilaa Tunisia November 2023. "Waxaa la ogaaday in dhibbanaha loo dhoofiyay Liibiya ka hor inta uusan baxsan November 2023. Wuxuu u baxsaday Tuniisiya isaga iyo Maxaabiis kale, oo ay ku jiraan laba Kenyan ah oo ka yimid Mandheera, kuwaas oo hadda ku daryeelaya isbitaalka la sheegay," Hayadda Dembi Baarista Kenya (DCI) ayaa tiri. Markii baaritaan lagu sameeyay sirdoon dambi baaris ah, baarayaasha ka socday qeybta booliska la dagaalanka waxa loogu yeero Argagaxisada (ATPU) ayaa daba galay oo gacanta ku dhigay eedeysanaha, kaasoo ay sheegeen inuu kaalin weyn ka qaatay fududeynta ka Ganacsiga dhibanaha. Si kastaba ha ahaatee, Hayadda Dembi Baarista (DCI)-du ma aysan sheegin goobta iyo goorta la xiray tuhmanaha ama in dhibbanaha jir ahaan uu ula midoobey Qoyskiisa. Hayadda Dembi Baarista Kenya ee DCI-da ayaa sheegtay in Eedeysanaha ay Maxkamaddaha Sharciga ee Mandera u soo bandhigeen Eedeysanaha si loo dacweeyo. Sida laga soo xigtay Hayadda Dembi Baarista Kenya (DCI), kiiska ayaa lagu wadaa in la sheego Abriil 4, 2025, ka dib markii xeer ilaalintu ay xaqiijisay amar 21 maalmood ah oo xabsi ah. “Bilaal Shukri Axmed waxaa maanta la horkeenay saraakiil ka tirsan Ciidanka Booliska la dagaalanka Argagixisada (ATPU) ee fadhigoodu yahay Mandheera si loogu soo oogo ku lug lahaanshaha ka Ganacsiga Bilaal Ali Noor, oo hadda 18 jir ah, kaas oo la waayey 21-kii February, 2021, iyadoo ay jiraan xaalado Qarsoodi ah," Hayadda Dembi Baarista Kenya DCI ayaa tiri.
