DALALKA FARANSISKA,JARMALKA IYO UK OO WALAAC KA MUUJIYEY….

(SAWIRKA)-MARAINKA GAZA.

(GAZA)-Heshiiak Amniga una dhexeeyo dalalka Faransiiska, Jarmalka iyo UK, oo si wadajir ah loogu yaqaan E3, ayaa ku baaqay in si deg deg ah loogu soo celiyo xabbad joojinta Gaza Jimcihii, iyaga oo ku booriyay Israa'iil iney si buuxda u Ixtiraamto Sharciga Caalamiga ah oo ey oggolaato in si deg deg ah loo gaarsiiyo Gargaarka Bini'aadannimo, wakaaladda Anadolu ayaa soowerisay. "Dib-u-soo-noqoshada duqeymaha Israa'iil ee Gaza waxay calaamad u tahay tallaabo dib u dhac ah oo loo qaaday dadka Gaza, la Haystayaasha, Qoysaskooda iyo dhammaan Gobolka," ayaa lagu yiri bayaan ey si wadajir ah u soo saareen saddexda waddan. "Waan ka naxnay dhaawaca soo gaaray dadka rayidka ah, waxaana si deg deg ah ugu baaqaynaa in si deg deg ah loogu soo celiyo xabad joojinta," ayay raacisay. Dhammaan dhinacyada ayaa lagu booriyay iney dib u bilaabaan wada xaajoodyada si loo xaqiijiyo dhaqangelinta buuxda iyo joogtaynta xabbad joojinta, taas oo sidoo kale ey ku jirto sii deynta Maxaabiista Israel. Bayaanka ayaa lagu sheegay in dhammaan Israa’iiliyiinta iyo Falastiiniyiinta ey xaq u leeyihiin iney helaan Nabad iyo Ammaan, taasoo muujineysa in colaadda aan lagu xallin karin qaab milateri. "Ku soo laabashada dagaalka waxay kaliya dhalin doontaa dhimashada dad badan oo rayid ah oo Falastiiniyiin ah iyo la haystayaal Israa'iil ah," ayaa lagu yiri. "Waxaan ugu baaqaynaa Israa'iil iney soo celiso Gargaarka Bini'aadantinimo, oo ey ku jiraan Biyaha iyo Korontada, eyna xaqiijiso helitaanka daryeel caafimaad iyo daadgureyn caafimaad oo ku meel gaar ah si waafaqsan Sharciga Caalamiga ah ee Bini'aadantinimada," ayaa lagu daray bayaanka. Waxa ey sidoo kale ku nuuxnuuxsatay in "Ey qasab tahay in baaritaan buuxa lagu sameeyo wixii dhacay" weerarkii Israa'iil ee dhismaha Qaramada Midoobay. Waddamadan ayaa sheegay iney aad uga naxeen weerarka Israa’iil ey ku qaadday Xarunta Qaramada Midoobay ee adeegyada Mashaariicda (UNOPS) ee ku taal bartamaha Gaza, halkaas oo uu ku dhintay hal qof oo shaqaale ah, tiro kalena lagu dhaawacay, iyaga oo xusay iney jiraan Muwaadiniin reer Yurub ah oo ka mid ah dadka dhintay. Bayaanka ayaa lagu yiri: "Shaqaalaha Qaramada Midoobay iyo goobahooda waa in la ilaaliyo oo aan waligood la Bartilmaameedsanin, waa in baaritaan buuxa lagu sameeyaa wixii dhacay, xabad joojin waarta waa dariiqa kaliya ee lagu kalsoonaan karo ee loo maro nabad waarta, xal laba dowladood ah iyo dib u dhiska Gaza." In ka badan 700 oo Falastiiniyiin ah ayaa lagu dilay in ka badan 1,000 kalena waa lagu dhaawacay olole la yaab leh oo ey Israa’iil ka waday Gaza tan iyo Talaadadii, taasoo burburisay xabbad-joojin iyo heshiis Maxaabiis isdhaafsi ah oo qabsoomay bishii Janaayo. Kordhintaani waxay ka dhigan tahay jebinta ugu weyn ee heshiiskii xabbad joojinta, kaasoo Israel ku guuldareysatay iney si buuxda u dhaqangeliso, gaar ahaan wajigii labaad oo la rabay inuu bilowdo ka dib markii wejiga koowaad uu dhammaaday horaantii Maarso. Tan iyo markii Israa’iil ey weerar ku qaadday Gaza, oo billowday 7-dii Oktoobar, 2023, tirada dhimashada Falastiiniyiinta ayaa kor u kacday ku dhawaad ​​50,000, halka tirada dhaawacana ey gaartay 113,213, sida laga soo xigtay ilo rasmi ah. Bishii November ee la soo dhaafay, Maxkamadda Caalamiga ah ee Dambiyada ayaa soo saartay amar lagu soo xirayo Ra'iisul Wasaaraha Israa'iil Benjamin Netanyahu iyo Wasiirkiisii ​​hore ee Difaaca Yoav Gallant oo lagu eedeeyay dambiyo dagaal iyo dambiyo ka dhan ah aadanaha. Israa'iil ayaa sidoo kale wajahaysa kiis xasuuq ah oo ka socda Maxkamadda Caalamiga ah ee Cadaaladda oo ku saabsan dagaalka ey ku hayso dhulka.

ISAH-MEMO.