MARAYKANKA OO MAR KALE MAANTA DUQEEYEY YEMAN.
(SAIRKA)-DIYAARADAH MARAYKANKA.
(YEMAN)-Wararka laga helaayo Gobolka Xudeydah ee dalka Yeman ayaa sheegaayo in halkaasi ey ka dhacday duqeyn aad u xoogan ey fuliyeen diyaaradaha dagaalka dalka Maraykanka aroornimada maanta oo Axad ah. Duqeynta ayaa lala beegsaday bakhaaradda Hubka iyo goobo ey ku sugan yihiin saraakiisha sar sare ee kooxda Xuutiyiinta,sidoo kale waxaa duqeynta lala beegsaday xarumaha Hogaanka Xuutiyiinta iyo Garoonka Diyaaradaha ee magaala Xeebeedka Xudeydah. Ilo wareedyo lagu kalsoon yahay ayaa TV-ga AL-Carabiya u sheegay in la dhaawacay Taliye sare kana tirsan Ciidamadda Badda ee Xuutiyiinta kaaso magaciisa lagu sheegay Mansuur AL-sacdi,ila wareedyo ku sugan Xudeydah ayaa sheegay in duqeynta lala beegsaday Saldhiga Ciidamadda Badda ee degaanka AL-Katiif ee Xudeydah. Wararku waxa ey intaas ku derayaan in duqeymo hore oo ey fuliyeen diyaaradaha Maraykanka ey ku dhaawaceen AL-Sacdi laba maalmood ka hor,isaga iyo todobo kale oo ka tirsan Hogaamiyeyaasha Xuutiyiinta. Sarkaalkaan sare ee la dhaawacay AL-Sacdi ayaa ah nin ka soo jeedo degaanka Maraa ee Gobolka Sacda,waxa uuna ku jiraan liiska dadka uu Maraykanka saaray cunaqabateynta sannadkii 2021-kii, waxaane loo arkaa inuu yahay shaqsiga ugu sareeyo Ciidamadda Badda iyo Difaaca Xeebaha oo la aasaasay isagoo tababar toos ahne ka helay khubarada Ilaaladda Kacaanka dalka Iraan. AL-sacdi,waxaa sidoo kale lagu daray liiska Cunaqabateynta Golaha Amaanka ee Qaramada Midoobe bishii Sebtembar sannadkii 2022-kii. Intaas waxaa dheer,Waaxda Maaliyadda ee Maraykanka waxay ku tilmaantay inuu yahay Maskaxdii ka dambeysay weerarada ka dhanka ah Marakiibta Calamiga ah ee marayo Badda Cas. Dhanka kale,Golaha Amaanka ayaa xaqiijiyey “ABU SAJAAD” uu abaabulay weeradda ka dhanka ah Maraakiibta Caalamiga ah ee ku sugan Badda Cas. Ciidamadda Badda ee Xuutiyiinta ee uu madaxda ka yahay AL-sacdi ayaa marar badan Badda Hoosteeda ku Aasay Miino taaso khatar ku ah Maraakiibta Ganacsiga, kuwa Kalluumeysiga iyo Maraakiibta sida Gargaarka Bani’adanimo. AL-sacdi ayaa abaabulay hawlgallo hub sharci darra ah oo loo gudbinaayo Xuutiyiinta taaso jebineysa cunaqabateynta hubka ee ku xusan faqrada 14-aad ee Qaraarka Qaramada Midoobe kaaso tirsigiisu yahay 2216 ee sannadkii 2015-kii. Waxaa xusid mudan in tan iyo dhammaadkii todobaadkii hore uu Maraykanka uu bilaabay olole ka dhan ah Xuutiyiinta Yeman gaar ahaan Goboladda Xudeydah iyo Sacda oo ah meelaha ey aad ugu xoogan yihiin. kooxda Xuutiyiinta ayaa ku dhawaaqay iney afar jeer gantaalo ku garaaceen bartilmaameedyada Isra’iil ka dib markii ey dib u bilawday in Isra’iil duqeyso Marinka Gaza Talaadadii la soo dhaafay. Waxaa xusid mudan in Xuutiyiinta ey hakiyeen weeraradii ey ku hayeen Isra’iil iyo Badda Cas tan iyo markii xabad joojinta Gaza ey dhaqan gashay taariikhdu markeey ahayd 19/1/2025-ka.
ISHA-AA.
