MW-XASAN SHEEKH OO LA KULMAY HOGAANKA DHAQANKA.

(SAWIRKA)-MW-XASAN SHEEKH OO KU DUKANAYA CADALE.

(CADALE)-Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa gaaray degmada Cadale ee dowlad Goboleedka Hirshabeelle, halkaas oo uu ku soo dhaweeyey Madaxweynaha Dowlad-Goboleedka Hirshabeelle Mudane Cali Cabdullahi Xuseen, masuuliyiin heer Federaal iyo heer-Dowlad Goboleed ah, Saraakiil iyo Taliyeyaal Ciidan. Madaxweynaha ayaa u kuur galaya furimaha dagaalka iyo saldhigyada Hoggaaminta Howlgalka Xoreynta dalka, isagoo jiidda hore kulammo kula qaadanaya halyeeyada Ciidamada Qalabka Sida, Madaxda iyo bulshada deegaanka, si loo sii amba-qaado guulaha wax ku oolka ah ee laga gaaray dagaalka Argagixisada. Madaxweynaha Jamhuuriyadda Federaalka Soomaaliya Md.Dr.Xasan Sheekh ayaa bulshada ku dhaqan deegaannada Hirshabeelle ku bogaadiyey garab istaagga ey u muujiyeen Ciidamada Qaranka, isagoo xusay awoodda ey maanta u leeyihiin dhammeystirka Howlgalka Xoreynta deegaannada ey ku harsan yihiin Argagixisada iyo dib u hagaajinta deegaannada laga xoreeyey cadowga oo ey ka jirtay nolol iyo duruufo adag. dhinaca kale, Madaxweyne Dr.Xasan Sheekh ayaa degmada Cadale kulan Afur ah kula qaatay Hogaanka Dhaqanka iyo Siyaasiyiinta Degaanka,Ciidamadda,Shacabka iyo Xoogaga Xaq u dirirka degaanka ee Macaawiisleyda, Masuuliyiin ka tirsa Dawlad Goboleedka H/Shabeelle iyo Culimada degaanka. Madaxweynaha ayaa ka dhegeystay masuuliyiinta,Saraakiisha iyo Waxgaradka degmada Cadale talooyinkooda ku aadan Xoreynta dalka,isagoo ku bogaadiyey bulsha Dawlad G/hirshabelle sida ey dhiigooda ugu hurayaan iney iska dulqaadaan Argagixisada gumaadka ku heysa dadkooda.

ISHA-SNVT.