MARAYKANKA IYO IRAAN OO KU MULMAY CUMAAN.
(SAWIRKA)-WASIIRKA ARRIMAHA DIBADDA CUMAAN ALBUSAYDI.
(MASCAT)-Wasiirka Arrimaha Dibadda Cumaan,Sayid Badar Xamad AL-Busaydi ayaa sheegay in wada hadaladda u dhexeeyo Maraykanka iyo Iraan ey jawi saaxibtinimo ugu yeesheen Caasimadda Maqsaqat. Qoraal uu soo dhigay bartiisa twitter-ka ayuu Wasiirka Arrimaha Dibeda ku yiri “Waxaan ku faraxsanahay in aan ku dhawaaqo in aan martigelinay Wasiirka Arrimaha Dibadda Iran Dr. Seyed Abbas Caqraji iyo ergeyga Madaxweynaha Mareykanka Steve Witkoff oo aan dhexdhexaadinay si aan u bilowno hannaan wada-hadal iyo wada-xaajood oo ujeeddadu tahay in lagu soo gabagabeeyo heshiis cadaalad ah oo lagu fulinayo magaalada Masqat. Gaarista Nabadda, Amniga iyo Xasilloonida Gobolka iyo Caalamka, waxaan sii wadi doonnaa inaan si wadajir ah u wada shaqeyno, waxaanan gelin doonnaa dadaallo dheeraad ah si aan gacan uga geysanno sidii loo gaari lahaa yoolkan. Sida laga soo xigtay Wakaaladda wararka Iran, wada-hadalladan oo ah kii ugu horreeyay muddo sannado ah, ayaa si dadban loo soo mariyay dhexdhexaadintii Cumaan. Afhayeenka Wasaaradda Arrimaha Dibedda ee Iran, Esmaeil Baqaei, ayaa qoraal uu Sabtida X ku sheegay in Wada-xaajoodyada Iran iyo Maraykanka la dhigay qolal kala duwan, isla markaana ey fariimo isku dhaafsadeen Wasiirka Arrimaha Dibedda ee Cumaan Sayid Badar Hamad AL Busaidi. Wafdiga Iran oo uu hoggaaminayo Wasiirka Arrimaha Dibadda ayaa gelinkii hore ee maanta gaaray magaalada Masqad. Markii uu yimid Masqat, Caqraji wuxuu la kulmay Sayid Badar wuxuuna u gudbiyay mowqifka Iran isaga oo markii dambe la kulmay Witkoff. Iran waxay sheegtay inay diblumaasiyadda siinayso "fursad dhab ah" haddii dhinaca Maraykanku ay muujiyaan go'aan iyo niyad wanaag. Iran ayaa wadahadalka horudhaca ah ee Cumaan u aragtay fursad ay ku xaqiijinayso in Maraykanku uu dhab ka yahay diblomaasiyadda. Goor sii horeysay, Wasiirka Arrimaha Dibadda Iran ayaa muujiyay sida uu ugu faraxsan yahay xiriirka adag ee adag ee ka dhaxeeya labada dal ee dhinacyada kala duwan, isagoo ammaanay mowqifka mas’uuliyadda leh ee Saldanada Cumaan ee Arrimaha Gobolka iyo horumarka, sida lagu sheegay barta Twitter-ka ee Wasaaradda Arrimaha Dibadda Iran. Waxa kale oo uu mas’uulkan u arkayay martigelinta wada-xaajoodka dadban ee Iran iyo Maraykanka inay daliil u tahay habkan wanaagsan, wuxuuna u mahad-celiyay Wasiirka Arrimaha dibadda, Sayid Badar AL Busaydi, oo uu aad u danaynayo arrintan.
ISHA-OMAN TIMES.
